राष्ट्रिय खेलकुद परिषद्ले नवनियुक्त युवा तथा खेलकुद मन्त्री दलजीत बिक श्रीपालीलाई मंगलवार स्वागत गरेको छ ।

राष्ट्रिय खेलकुद परिषद्का अध्यक्ष समेत रहेका मन्त्री श्रीपालीले खेलकुदको बिकासका लागि एकता अपरिहार्य भएकोले सहकार्यबाट नयाँ सन्देश दिने बताउनु भयो । वहाले भन्नु भयो–हामी दुवै बेग्लै राजनीतिक पृष्टबाट आएका हौं,हामी सचेत छौं खेलकुदमा राजनीतिकरण हुन दिने छैनऊ । मन्त्री श्रीपालीले आफु खेलकुदको वरिपरि हुर्किएको स्मरण गराउदै भन्नु भयो–बिगत खेलकुद अप्यारोमा परेको थियो,म सदस्य–सचिवलाई अप्यारोमा पार्ने छौन् । बरु केशव बिष्ट सदस्य–सचिव भएको बास्तविक बोध मेरो कार्यकालले दिनेछ । मन्त्री श्रीपालीले कर्मचारी प्रति संकेत गदै भन्नु भयो– नेतृत्व पुर्वाग्राही हुने छैन् , खेलकुदको मेरुडण्ड कर्मचारी हुन,कामको ठिक–ठिक ढंगले मूल्याङक हुनेछ । हामी स्वार्थमा केन्द्रित भएर होईन् बिकास प्रेमी भएर कार्य गरौ,नयाँ दिन सकिन्छ । वहाले थप्नु भयो– म पद्धती र ऐन–कानुन अनुसनर कार्य गर्ने छु , खेलकुदका कार्यहरु राष्ट्रिय खेलकद परिषद् मार्फत नै मन्त्रालय आउने छ । पूर्ण अधिकार सदस्य–सचिवमा छ ,म रेफ्रिको भूमिकामा रहने छु ।

राष्ट्रिय खेलकुद परिषद्का सदस्य–सचिव केशवकुमार बिष्टले सफल कार्यकालको शुभकामना ब्यक्त गदै भन्नु भयो–खेलाडिको आशा–भरोषाको पबित्र स्थल खेल क्षेत्रले पूर्व खेलाडिलाई मन्त्री पाउदा हर्षित भएको छ । यहाँको कार्यकालले खेलकुदले थप उचाई प्राप्त गर्ने कुरामा म बिश्वस्त छु । मैले खेलकुदमा स्वर्णिम काल ल्याउने प्रतिवद्धता ब्यक्त गरेको छु । सदस्य–सचिव बिष्टले थप्नु भयोे–हाम्रो उद्देश्य एक भएकाले यहाको आगमनले गन्तब्य सरल बन्ने छ । स्वगत कार्यक्रममा मन्त्रालयका सचिव सह–सचिव,राष्ट्रिय संघका अध्यक्ष,कर्मचारी तथा खेल प्रेमी महानुभवको बाक्लो उपस्थिति रहेको थियो ।

मन्त्री श्रीपाली अन्तरक्रियामा

राष्ट्रिय खेलकुद परिषद्का अध्यक्ष युवा तथा खेलकुद मन्त्री दलजीत बिक श्रीपालीले सातौ राष्ट्रिय खेलकुदको तयारीको बारेमा जानकारी लिनु भयो । वहाले पूर्वाञ्चलमा मंसिर ८ देखि १५ सम्म हुने प्रतियोगिता तोकिएको समयमा सम्पन्न गर्न के–कस्ता समस्यहरु रहेको जानकारी लिनु भयो । राष्ट्रिय खेलकुद परिषद्का सदस्य–सचिव केशबकुमार बिष्टले बिगत खेल स्थकित हुदा एउटा पुस्तालाई ठुलो अन्याय परेको कुरा बताउनु भयो । वहाले च्याम्पियान बन्ने उद्देश्यले तयारी गरेका खेलाडिले ६ बर्ष प्रतियोगिता नहुदा खाडी मुलुकमा रोज गारिका लागि जानु परेको बताउनु भयो । सदस्य–सचिव बिष्टले राखेप मंसिर ८ देखि १५ सम्म सातौ राष्ट्रिय खेलकुद गर्ने एक सुत्रिय अर्जुन दृष्टि लिएर तयारीमा जुटेको बताउनु भयो । राखेप बरिष्ट अधिकृत कमल खनालले सातौ राष्ट्रिय खेलकुदमा आवाश्यक पर्ने बजेट खेलाडि संख्यालगायको जानकरी गराउनु भयो । बरिष्ट अधिकृत कुलबहादुर थापाले समारोह सम्वन्धी क्रियाकलापका बारेमा जानकारी गराउनु भयो । राखेप तालिप तथा प्रशिक्षण बिभागका प्रमुख नबिन उप्रेतीले प्राबिधिक पक्षको जानकारी गराउनु भयो । राखेप बिभागिय प्रमुख मधुसुदन बस्नेतले प्रशासनका पक्षमा जानकारी गराउनु भएको थियो । सो अवसरमा राखेप सदस्य,मन्त्रालय सहसचिव तथा बिभिन्न खेलका मुख्य प्रशिक्षकहरुको उपस्थिति रहेको थियो ।