काठमाडौं (हाम्रो खेलकुद) – नेपालले पहिलो एकदिवसिय अभ्यास खेलमा ओन्टारियो क्लबसँग टस जितेर पहिला ब्याटिङ गर्ने निर्णय लिएको छ । क्यानाडाको किंग सिटीमा रहेको मेपल लिफ मैदानमा नेपालका कप्तान सन्दीप लामिछानेले टस जितेर पहिला ब्याटिङ गर्ने निर्णय लिएका हुन् ।
खेल नेपाली समय अनुसार ८ ः४५ मा सुरु हुनुपर्ने हो । तर वर्षाको कारण प्रभावित बनेको थियो । वर्षा रोकिएको छ । नेपाल क्यानाडामा सहज जितका साथ विजयी सुरुवात गर्न चाहन्छ । आइसिसी विश्वकप लिग–२ त्रिकोणात्मक ओडिआई सिरिज नामिबिया, स्कटल्यान्डसँग खेल्नुअघि क्यानाडामा अभ्यास गर्न गएको हो ।
खेल स्कटल्यान्डमा हुनेछ । स्कटल्यान्ड र क्यानाडाको वातावरण मिल्ने हुँदा नेपालले तीन अभ्यास खेल खेल्न लागेको हो ।
