default_image

8 months ago

October 23, 2023

सोमपाललाई दुवै ओपनरको विकेट

792 views

0 Bookmark

काठमाडौं (हाम्रो खेलकुद) – तीव्र गतिका बलर सोमपाल कामीले यूएईविरुद्ध त्रिकोणात्मक टि२०आई सिरिजको अन्तिम लिग खेलमा नेपाललाई राम्रो सुरुवात दिलाएका छन् ।

यूएई ५ ओभरको समाप्तिमा ४५ रन जोड्दै राम्रो सुरुवात गरेको छ । वृत्य अरविन्द १६ रन र आसिफ खान ६ रनमा खेलिरहेका छन् ।

सोमपालले पहिलो स्पेलको सुरुवाती दुई ओभरमा विकेट लिँदै यूएईका दुई ओपनरलाई पेभेलियन फर्काएका हुन् । उनले पहिलो ओभरको अन्तिम बलमा खालिद शाहलाई बोल्ड गरे । त्यसअघि खालिदले सोमपाललाई तीन चौका प्रहार गरेका थिए ।

सोमपालले आफ्नो दोस्रो ओभरको चौथो बलमा कप्तान मुहमद वासिमलाई पनि आउट गरे । वासिम ठूलो सट खेल्ने धुनमा दिप मिड विकेटमा क्याच आउट भए । उनले ७ बलमा १ चौकासहित ८ रन जोडे ।

नेपालका कप्तान रोहितकुमार पौडेलले लगातार चौथो खेलमा टस जितेर पहिलो फिल्डीङ गर्ने निर्णय लिएका थिए । नेपाल समूहको ३ खेल जित्दै फाइनलमा प्रवेश गरिसकेको छ । यूएईले आजको खेलमा जित हासिल गरे फाइनल प्रवेश गर्नेछ ।

नेपालले आजको खेलमा दुई परिवर्तन गरेको छ । विवेक यादव र अभिनाश बोहोरा टोलीमा फर्केका छन् । यस्तै पछिल्लो खेलबाट प्रतिश जिसी र ललित नारायण राजवंशीलाई विश्राम दिइएको छ ।

नेपालले सुरुवाती दुई खेलमा पनि टस जितेर फिल्डीङ नै रोजेको थियो । हङकङसँग शनिबार भएको खेलमा भने नेपालले पहिलो ब्याटिङ गर्दै २ सय १३ रनको विशाल योगफल खडा गरेको थियो ।

नेपालको टोली :

आसिफ शेख, कुशल भुर्तेल, कुशल मल्ल, रोहित पौडेल, दीपेन्द्रसिंह ऐरी, सन्दीप जोरा, विवेक यादव, सोमपाल कामी, गुलशन झा, करण केसी, अभिनाश बोहोरा

यूएईको टोली :

मुहमद वसीम, वृत्य अरविन्द, खालिद शाह, आलिशान सराफु, आसिफ खान, बसिल हमिद, नसिर अली, निलांश केश्वनी, जहुर खान, मुहमद जवादुल्लाह, अकिफ राजा

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 13, 2024

वर्षाका कारण क्रिकेट टोली फ्लोरिडामै रोकियो

फ्लोरिडा (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि सेन्ट भिन्सेन्ट जानुपर्ने नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण यही रोकिएको छ। फ्लोरिडाबाट नेपाली‌ टोली बुधबार साँझ सेन्ट भिन्सेन्ट जाने तालिका रहेपनि लगातारको वर्षाका कारण नेपाली‌ टोलीको‌ उडान रद्द भएको नेपाल क्रिकेट संघ (क्यान) का सदस्य तथा टोलीका […]

Success

Thank you for your time.