काठमाडौं (हाम्रो खेलकुद) – नेपाल क्रिकेट संघ (क्यान) ले सोमबारवाट सुरुहुने प्रधानमन्त्री कप टि२० राष्ट्रिय प्रतियोगितामा खेलाडीलाई १ हजार ५ सय म्याच फि दिने भएको छ ।

क्यानका कोषाअध्यक्ष रोशन सिंहले आर्थिक नियमवाली तथा कार्यविधि अनुसार टि२० राष्ट्रिय प्रतियोगिता खेल्ने खेलाडीलाई १ हजार ५ सय म्याच फि दिने जनाएका छन् । उक्त म्याच फिमा क्यानले कुनैपनि खर्च नकटाउने सिंहले दाबी गरे ।

‘यसअघि केहि थिएन । आर्थिक नियमवाली अनुसार २०२२ देखि सबैमा लागु हुन्छ । उक्त नियमवाली बोर्डले पारित पनि गरिसकेको छ । बस्ने खाने व्यवस्था सबै क्यानले गर्दै १ हजार ५ सय म्याच फि पाउँछन्’, कोषाध्यक्ष सिंहले हाम्रो खेलकुदसँग भने ।

‘यातयात, खाना, बस्न लगायत केहिमा पनि १ हजार ५ सय फिबाट काटिदैन । हामीले पहिलो पटक विभागीय टोलीलाई पनि होटलमा राखेका छौं । विभागीय टोलीले पनि प्रदेश सरहनै सेवा सुविधा पाउँछन् । विभागीय टोलीले खेल्नको दिनको यातयातको पैसा पनि पाउनेछन्’, उनले भने । सिंहका अनुसार तीन विभायीय टोलीले स्थायिन यातयात खर्च पाउनेछन् । विभागीय र प्रदेशका टोलीमा अन्य समान सेवा सुविधा रहने छ ।

खेलाडीले पहिलो पटक यातयात, खाना बस्न सबै खर्च छाडेर म्याच फि १ हजार ५ सय पाउन लागेका हुन् । यो भन्दा पहिला खेलाडीहरुले म्याच फिबाट खाना बस्न खर्च कटाउँदै पैसा बचाउँथ्यो। अब हामीले राम्रो खाना बस्नको व्यवस्थापन गर्दै छुट्टै म्याच फि दिन लागेका छौं । यो खेलाडीको लागि पनि ठूलो कुरा हो । यो घरेलु क्रिकेटमा इतिहासमा पहिलो पटक हो’, सिंहले दाबी गरे ।

‘हामी खेलाडीको भावनालाई बुझेका छौं । हामी पनि खेलेको मान्छे हो । खेलाडीको पिडा थाहा छ । खेलाडीलाई हामी कुनैपनि सेवा सुविधामा कमी गर्दैनौं । हामीले खेल्दा दुई सय भत्ता पाउँथौं । त्यसैबाट खाना खान्थ्यौं । पैसा बचाएर खेलको आवश्यक लुगा किन्थ्यौं । अब हामी त्यसो हुन दिँदैनौं’, उनले भने ।

प्रधानमन्त्री कप पुष २६ देखि माघ ५ सम्म टियु र मुलपानी मैदानमा हुने छ । समूह ए मा साविक विजेता त्रिभुवन आर्मी क्लब, कर्णाली प्रदेश, नेपाल पुलिस क्लब, सुदूरपश्चिम प्रदेश र प्रदेश नम्बर १ छन् । समूह बी मा नेपाल एपिएफ क्लब, प्रदेश नम्बर २, बागमती प्रदेश, लुम्बिनी प्रदेश र गण्डकी प्रदेश छन् । उद्धघाटन खेलमा आर्मी र कर्णालीबीच टियु मैदानमा हुनेछ । त्यसदिन टियुमै दोस्रो खेल एपिएफ र प्रदेश २ बीच हुनेछ ।

सोमबार मुलपानीमा पहिलो खेलमा पुलिस र सुदूरपश्चिम भिड्नेछन् । दोस्रो खेलमा बागमती र लुम्बिनी भिड्नेछन् । हरेक समूहका शीर्ष दुई दुई टोलीले सेमिफाइनलमा स्थान पक्का गर्नेछन् । दुबै सेमिफाइनल माघ ४ र फाइनल माग ५ मा हुनेछ ।

यसअघि प्रधानमन्त्री कप एकदिवसिय शैलीमा हुँदै आएपनि ओमानमा हुने आइसिसी टि२० विश्वकप ग्लोबल छनोट ए लाई मध्यनजर गर्दै नेपाल क्रिकेट संघ (क्यान) ले टि२० शैलीमा गर्न लागेको हो । योसँगै ७ वर्षपछि नेपालमा टि२० राष्ट्रिय प्रतियोगिता आयोजना हुनेछ ।