काठमाडौं (हाम्रो खेलकुद) – बागमती प्रदेशले राष्ट्रिय क्रिकेट टोलीका पूर्व कप्तान तथा शीर्षक्रमका ब्याटर ज्ञानेन्द्र मल्लको कप्तानीमा सोमबार देखि काठमाडौंमा सुरु हुने प्रधानमन्त्री कप टि२० राष्ट्रिय क्रिकेट प्रतियोगिता खेल्ने १४ सदस्य टोली घोषणा गरेको छ ।

बागमतीको टोलीमा ज्ञानेन्द्रसँगै नेपाली टोलीका ओपनर सुवास खकुरेल, ईशान पान्डे, तीव्र गतिका बलर प्रतिश जिसी, नन्दन यादव र आक्रामक ब्याटर आदिल खान लगायतका खेलाडी टोलीमा छन् । सुमन सुनार, लक्की कडायत, सुवास खत्री र रोशन वि.क बागमतीको नयाँ अनुहारको रुपमा छन् । बागमतीको टोलीमा तीव्र गतिका बलर गौतम केसी र दीपेश श्रेष्ठ भने टोलीमा छैनन् ।

बागमतीको टोली :

ज्ञानेन्द्र मल्ल (कप्तान), सुवास खकुरेल (विकेटकिपर), नन्दन यादव, आदिल खान, लक्की खडायत, प्रतिश जि.सी., ईशान पाण्डे, रामनरेश गिरी, तिलकराज भण्डारी, रिजन ढकाल, सुमन सुनार, विपिन आचार्य, सुभास खत्री र रोशन विक ।

प्रशिक्षक रिकेश लामा

व्यवस्थापक – रुपक रञ्जित

बागमतीको खेल तालिका

पुष २६ (१० जनवरी) – लुम्बिनीसँग मुलपानी क्रिकेट मैदान (दिउँसो)

पुष २७ ( ११ जनवरी) – एपिएफसँग टियु मैदान, दिउँसो

पुष ३० (१४ जनवरी) – प्रदेश २ सँग, टियु (दिउँसो)

माघ १ (१५ जनवरी) – गण्डकीसँग टियु मैदान, दिउँसो