काठमाडौं (हाम्रो खेलकुद) – राष्ट्रिय क्रिकेट टोलीका कप्तान सन्दीप लामिछानेले नेपालको पहिला मुख्य लक्ष्य एसोसियटमा शीर्ष टोली हुनुपर्ने बताएका छन् । सोमबार भर्चुअल (जुम) मार्फत पत्रकारसँगको कुराकानीमा सन्दीपले टि२० विश्वकप तयारी, हाल टोलीको अवस्था लगायत विभिन्न विषयमा जानकारी दिएका छन् ।

‘यदि हामी भोली गएर ठूला देश वा उच्च स्तरको क्रिकेट खेल्न चाहन्छौं भने आउने जतिपनि खेलहरु हुन्छ त्यो जित्न निकै महत्वपूर्ण छ । जित र हार एक दुई पटक हुन्छ । अहिलेका लागि पहिला हाम्रो मुख्य लक्ष्य एसोसियट देशको उत्कृष्ट हुनुपर्ने हुन्छ । जुन तरिकाले अहिलेको समयमा भारतले हार्दा अरुटिमलाई दुःख लाग्न सक्छ । त्यसरीनै नेपालले हार्दा अरु टिमहरुलाई दुःख लागोस । एउटा त्यो स्तरमा पुर्याउन चाहना छ । सबैजना क्षमतावान् हुनुन्छ’ , उनले भने ।

‘ चार दिनदेखि मैदान जान पाएको छैन । मैदानमा गएर बलिङ र ब्याटिङ गर्न पाएमा सजिलो हुन्छ जस्तो लाग्छ । पाँच ६ जना कोभिडले गर्दा संघर्ष गरेका छौं । आशा गरौं प्रतियोगिता जानु भन्दा धेरै अगाडि ठिक हुन्छौं । त्यसपछि चार पाँच दिनको अभ्यास र तीन खेलले छनोटमा जादा थप अनुभव ल्याउने छ’ , सन्दीपले भने । त्यसैमा सन्दीपले थपे, ‘ मेरो लागि मात्र नभएर सबैजनाको लागिनै विश्वकपमा छनोट हुन त्यतिनै महत्वपूर्ण छ । देशको लागि नेतृत्व गर्ने मेरो लागि एउटा राम्रो अवसर छ । नेपालमा अझैं पनि धेरै गर्न बाँकी छ । यो प्रतियोगिता सबै खेलाडीको लागि महत्वपूर्ण छ ।’

कप्तानी भूमिका पाएपछि साँच्चै भन्दा मलाई त्यस्तो कुनै कठिन भने भएको छैन । सबैजना चिनेको र धेरै समयदेखि सँगैखेलि राखेको हुनुन्छ । मेरो योजना गर्ने तरिका फरक हुनसक्छ । तर मैले वहाँहरुको पनि योजना सुन्नुपर्छ । हाम्रो उत्कृष्ट सम्भावना के हुनसक्छ भनेर जति छिटो निर्णय गर्न सक्यौ त्यतिनै सबैको लागि सजिलो हुनेछ, उनले भने । यदि दबाब जति हुन्छ त्यतिनै राम्रो हुन्छ । जति धेरै दबाबमा मैले आफूलाई प्रमाणित गर्न सके भने र खेलाडीहरुले गर्न सके हामी तल खसेको अवस्थाबाट पनि उठ्न सक्छौं, त्यसमा थपे ।

‘टि२० विश्वकप २०१४ ले म लगायत धेरैमा मेरो देशको लागि प्रतिनिधित्व गर्नु छ भनेर एउटा उर्जा लिएर आएको थियो । म ठूलो भएर नेपाली क्रिकेटको लागि जति हुनसक्छ योगदान दिन चाहन्छु । त्यहिँ वातावरण हामीले अघि लिएर जानुपर्ने हुन्छ । यहाँ सम्म आउनुमा मेरो लागि गर्वको कुरा हो । हामी विश्वकपमा पुग्छौं र त्यहाँ गएर पनि राम्रो गर्ने छौं भने पक्कैपनि नेपाली क्रिकेटको लागि राम्रो संकेत हुनेछ’, सन्दीपले भने ।

‘ टोलीमा सिनियर खेलाडी हुनु हाम्रो लागि एउटा राम्रो कुरा हो । मेरो लागि कप्तानी देशको लागि नयाँ अनुभव हुनेछ । यति बेला ज्ञानेन्द्र मल्लदाई, शरद दाई सबैजनाको अनुभव मान्य हुन्छ । वहाँहरुसँग योजना गर्न पाउछु । वहाँहरुलाई केहि लाग्न सक्छ । सबैजनाहरु मिलेर एउटा राम्रो नतिजा ल्याउनु पर्छ । म कप्तान भएपनि अरुहरुको विचार हुनसक्छ । हामीले सबैको विचारलाई सम्मान गर्दै अघि बढ्नुपर्ने आवश्यक छ, सन्दीपले भने ।’

‘ब्याटिङ र अलराउन्डर पक्ष राम्रो छ । स्पिनरहरु पनि त्यतिनै राम्रो हुनुन्छ । पक्कैपनि हामीले सोमपाल कामीलाई मिस गर्ने छौं । किनभने वहाँ चोटको कारण टोलीमा हुनुन्न । वहाँ वाहेक पनि चार पाँच जना बलियो तीव्र गतिका बलर हुनुन्छ । मलाई लाग्छ शीर्ष दुई स्थान बनाउन खाज्छौं । कप्तानको रुपमा टिमलाई लिएर खुसी छु, उनले भने ।’

नेपालले विश्वकप अघि ओमान, आयरल्यान्ड र युएईसँग टि२० आई खेल खेल्नेछ । त्यसमा सन्दीपले सबैलाई समान अवसर दिने र त्यसबाट आफ्नो उत्कृष्ट ११ छान्ने बताए । नेपाली क्रिकेट टोली फेब्रुअरी तेस्रो सातादेखि ओमानमा हुने आइसिसी टि२० विश्वकप ग्लोबल छनोट ए को तयारीमा छ । नेपाल माघ अन्तिममा ओमानतर्फ जानेछ ।

विश्वकप छनोट बारे सम्पूर्ण जानकारीको लागि यो पढ्नुहोस् : टि२० विश्वकप छनोट : उद्धघाटनमा नेपाल र ओमान भिड्ने