2 years ago
February 3, 2022
एजेन्सी – अघिल्लो महिना अष्ट्रेलियासँग विश्व प्रतिष्ठित पाँच टेस्ट खेलको एसेज सिरिजमा ४–० को लज्जास्पद हार बेहोरेपछि इंग्ल्यान्ड तथा वेल्स क्रिकेट बोर्ड (इसिबी) का प्रबन्ध निर्देशक एशले जाइल्सले पदबाट राजीनामा दिएका छन् । जाइल्स २०१८ डिसेम्बरमा प्रबन्ध निर्देशकमा नियुक्त भएका थिए ।
इसिबीले उनको तीन वर्ष कार्यकालमा इंग्ल्यान्ड पहिलो पटक एकदिवसिय विश्वकप च्याम्पियन बनेकोमा धन्यवाद दिएको छ । एसेज सिरिजमा निराशाजनक प्रदर्शनपछि इसिबीले आफ्नो संरचना परिवर्तन गर्न लागेको बुझिएको छ । इंग्ल्यान्ड क्रिकेटका मुख्य प्रशिक्षक क्रिस सिल्भरवुडबारे पनि छलफल भइरहेको छ । सिल्भरवुडलाई हटाउने तयारी गरेको बुझिएको छ ।
‘मलाई सहयोग गरेकोमा सबैलाई धन्यावाद । मलाई यो अवसर दिएकोमा विशेषगरि कर्माचारी र खेलाडीलाई धन्यावाद । पछिल्लो दुई वर्ष अविश्वसनिय चुनौतीहरु थिए । हामीले सबैभन्दा कठिन परिस्थितीमा जे गर्न सफल भयौं, त्यसको लागि म गर्व गर्छु’, जाइल्सले भनेका छन् ।
‘हामी पछिल्लो तीन वर्षमा एकदिवसिय विश्वकप च्याम्पियन, टि२० आई वरियता शीर्ष, ओडिआईको दोस्रो, टेस्टमा चौथो र यू१९ विश्वकपमा भर्खरै फाइनलमा पुगेका छौं । म हाम्रा सबै खेलाडी र कर्माचारीलाई उत्कृष्ट सफलता कामना गर्छु,’ उनले थपे ।
जाइल्सले अब केहि समय परिवारसँग बिताउने जनाएका छन् । सन् २०२० को कोरोना महामारीमा इंग्ल्यान्डले वेस्टइन्डिजसँग घरेलु क्रिकेटमा टेस्ट सिरिज खेल्दै १ सय १६ दिनपछि अन्तर्राष्ट्रिय क्रिकेट फर्किएको थियो । यस कार्यका लागि उनको प्रशंसा भएको थियो । तर एसेज सिरिजमा खराब नतिजापछि भने २०१५ मा जसरी परिवर्तन गर्न माग उठेको छ । २०१५ को विश्वकपमा खराब प्रदर्शन गरेपछि इंग्ल्यान्डले त्यसपछि विश्व क्रिकेटमै नयाँ शैलीमा प्रस्तुत हुँदै २०१९ मा विश्वकप च्याम्पियन बनेको थियो ।
इंग्ल्यान्ड एसेज सिरिजमा अष्ट्रेलियासँग पहिलो टेस्टमा ९ विकेट, दोस्रो टेस्टमा २ सय ७५ रन, तेस्रो टेस्टमा १४ रनको इनिङ अन्तर, चौथो टेस्ट ड्र र पाँचौं टेस्टमा १ सय ४६ रनले पराजित भएको थियो । खराब नतिजापछि इंग्ल्यान्डका कप्तान जो रुटले घरेलु प्रतियोगिता र संरचनालाई लिएर प्रश्न गरेका थिए ।
केहि इंग्ल्यान्डका क्रिकेट खेलाडीले इन्डियन प्रिमियर लिग (आइपिएल) नखेल्ने जनाएका छन् । स्टार ब्याटर बेन स्टोक्स, जो रुट, साम करन र क्रिस वोक्सले घरेलु क्रिकेटमा केन्द्रित हुन अक्सनमा आफ्नो नाम दिएका छैनन् ।
May 13, 2024
एजेन्सी – इन्डियन प्रिमियर लिग (आईपीएल) अन्तर्गत गुजरात टाइटन्स र कोलकाता नाइट राइडर्सबीचको खेल एक बल पनि नभईकन रद्द भएको छ । लगातारको वर्षाका कारण टसका साथै खेल सुरु हुन नसकेपछि खेल रद्द भएको हो । गुजरात र कोलकत्ताले खेल रद्द भएका कारण १-१ अंक बाँडेका छन् । यस नतिजा पछि भने गुजरात प्रतियोगिताबाट बाहिरिएको […]
May 13, 2024
काठमाडौँ (हाम्रो खेलकुद) – सुदुरपश्चिम प्रदेशले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । कोशीलाई लगातार दोस्रो हार चखाउने क्रममा सुदुरले १९ रनको जित दर्ता गर्यो । टस जितेर पहिला ब्याटिङ गरेको सुदुरपश्चिम प्रदेशले सम्झना खड्काको अर्धशतकीय इनिङको मद्दतमा निर्धारित २० ओभरमा ८ विकेटको क्षतिमा ११२ रन […]
May 13, 2024
काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई ८ विकेटले पराजित गरेको हो । बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर […]
