एजेन्सी – इंग्ल्यान्डले आइसिसी टि२० विश्वकप २०२२ मा सेमिफाइनलमा पुग्न निर्णाक खेलमा श्रीलंकाविरुद्ध टस हारेर पहिला बलिङ गर्ने भएको छ । सिड्नी क्रिकेट ग्राउन्डमा श्रीलंकाका कप्तान दासुन शनकाले टस जितेर पहिला ब्याटिङ गर्ने निर्णय लिएका हुन् ।

श्रीलंकाले टोलीमा एक परिवर्तन गरेको छ । श्रीलंकाले तीव्र गतिका बलर प्रमोद मदुशानको स्थानमा चामिका करुणारत्नेलाई खेलाएको छ । इंग्ल्यान्डले भने टोलीमा कुनैपरिवर्तन गरेको छैन ।

इंग्ल्यान्ड आजको खेलमा विजयी हुँदा सेमिफाइनलमा पुग्नेछ । यदि इंग्ल्यान्ड पराजित हुँदा अष्ट्रेलिया सेमिफाइनलमा पुग्ने समिकरण छ । सुपर १२ को समूह ए मा न्युजिल्यान्ड सेमिफाइनलमा पुगि सकेको छ ।

न्युजिल्यान्ड ५ खेलमा ७ अंकका साथ सेमिफाइनल यात्रा पक्का गरेको हो । इंग्ल्यान्ड र श्रीलंकाको खेलले समूह विजेता र उपविजेता निर्धारण गर्नेछ । अष्ट्रेलिया ५ खेलमा ७ अंकका साथ दोस्रो स्थानमा छ । इंग्ल्यान्ड ४ खेलमा ५ अंकका साथ तेस्रो स्थानमा छ । अष्ट्रेलियाको नेटरनरेट माइनस ०.१७३ र इंग्ल्यान्डको प्लस ०.५४७ छ ।

इंग्ल्यान्ड र श्रीलंकाबीच हालसम्म १३ टि२० आई खेल भएका छन् । जसमा इंग्ल्यान्ड ९ र श्रीलंका ४ खेलमा विजयी भएका छन् ।