default_image

1 year ago

November 24, 2022

खराब बलिङसँगै नेपाल पराजित

काठमाडौं (हाम्रो खेलकुद) – कप्तान रोहित पौडेल र दीपेन्द्र सिंह ऐरीको सानदार शतकको बाबजुद नेपाल पहिलो एकदिवसीय अभ्यास खेलमा दिल्ली डिस्ट्रिक क्रिकेट एसोसियसनसँग दुई विकेटले पराजित भएको छ । जितको लागि ३ सय ४ रनको विशाल लक्ष्य पछ्याएको घरेलु टोली दिल्लीले ४९.३ ओभरमा ८ विकेट गुमाउँदै पूरा गर्यो । दिल्लीको जितमा ओपनर साहिल मल्होत्रा ६० […]

134 views

0 Bookmark

काठमाडौं (हाम्रो खेलकुद) – कप्तान रोहित पौडेल र दीपेन्द्र सिंह ऐरीको सानदार शतकको बाबजुद नेपाल पहिलो एकदिवसीय अभ्यास खेलमा दिल्ली डिस्ट्रिक क्रिकेट एसोसियसनसँग दुई विकेटले पराजित भएको छ ।

जितको लागि ३ सय ४ रनको विशाल लक्ष्य पछ्याएको घरेलु टोली दिल्लीले ४९.३ ओभरमा ८ विकेट गुमाउँदै पूरा गर्यो । दिल्लीको जितमा ओपनर साहिल मल्होत्रा ६० बलमा ५ चौकासहित सर्वाधिक ५२ रन बने । ओपनर तिलक ठाकुर १५, वैभम शर्मा ४४ र सक्षम शर्मा ३३ रनमा आउट भए ।

तल्लोक्रमका यश वर्धान ओबेरियोले २४ बलमा ४ छक्कासहित ४२ रनमा अविजित रहँदै दिल्लीको जित पक्का गराए । मनिष श्रीवात ७ बलमा १ चौका र १ छक्कासहित १५ रनमा अविजित रहे । शिवम शर्मा २३ बलमा २ चौका र १ छक्कासहित ३१ र कुशल नागपाललले २१ रन बनाए ।

एक समय दिल्ली ४२.१ ओभरमा २२२-७ को अवस्थामा थियो । तर आठौं विकेटका लागि शिवम र यशले मात्रै ३६ बलमा ६६ रनको विष्फोटक साझेदारी गर्दै जितको आधार तय गरेका थिए ।

दिल्लीलाई अन्तिम पाँच ओभरमा जितको लागि ५५ रन चाहिएको थियो । तर नेपाली बलरले रोक्न सकेनन् । नेपालका तीव्र गतिका बलर नन्दन यादवले ८ ओभरमा ६५ रन खर्चेर २ विकेट लिए । कुशल भुर्तेलले ६ ओभरमा ३६ रन खर्चेर ३ विकेट लिए ।

सोमपाल कामीले ७ ओभरमा ५३ रन खर्चेर १ विकेट लिए । सागर ढकालले ९ ओभरमा ४९ रन खर्चिए । ललित नारायण राजवंशीले ८ ओभरमा ३७ रन खर्चेर १ विकेट लिए । गुलशन झाले ५ ओभरमा ३३ रन खर्चिए । हरिशंकर शाहले ६ ओभरमा २४ रन खर्चेर १ विकेट लिए । दीपेन्द्रसिंह ऐरीले ३ बलमा ७ रन खर्चिए ।

त्यसअघि टस जितेर पहिला ब्याटिङ थालेको नेपालले निर्धारित ५० ओभरमा ९ विकेट गुमाउँदै ३ सय ३ रन बनाएको थियो । नेपालका कप्तान रोहित पौडेल १ सय ३५ बलमा ११ चौका र १ छक्कासहित १ सय १३ रनमा आउट भए ।

दीपेन्द्रसिंह ऐरीले ६२ बलमा ८ चौका र ६ छक्कासहित १ सय ९ रनको विष्फोटक शतकीय इनिङ खेले । दीपेन्द्रले ५८ बलमै शतक हानेका थिए । खराब प्रदर्शन गरेपनि छैटौं विकेटका लागि रोहित र दीपेन्द्रले १ सय २० रनको सानदार शतकीय साझेदारी गरेका थिए । सातौं विकेटका लागि दीपेन्द्र र आरिफ शेखले ५९ रनको साझेदारी गरेका थिए । आरिफले १० बलमा १ छक्कासहित १८ रन बनाए ।

दीपेन्द्र र रोहितले शतक हानेपनि नेपालका पाँच ब्याटरले खाता खोल्न सकेनन् । नेपालको सुरुवात सम्झन लायक रहेन । शीर्षक्रमका प्रमुख तीन ब्याटर खाता खोल्न नसकी आउट भए । ओपनर अर्जुन साउद, ज्ञानेन्द्र मल्ल र आसिफ शेख शून्यमा आउट भएका थिए ।

तीव्र गतिका बलर आयुष यादवले दोस्रो ओभरको दोस्रो बलमै अर्जुनलाई एलबीडब्लू आउट गरे । त्यसपछि प्रिन्स यादवले तेस्रो ओभरमा आसिफ शेख र ज्ञानेन्द्र मल्ल दुबैलाई शून्यमा बोल्ड गर्दा नेपाल २-३ को दयनीय अवस्थामा थियौं । चौथो विकेटका लागि रोहित र हरिशंकरले ५८ रनको साझेदारी गरेका थिए । हरिशंकर २९ बलमा ३ चौकासहित २५ रन बनाउँदै आउट भए । कुशल भुर्तेल ३९ बलमा २१ रन बनाउँदै आउट भए ।

रोहित र कुशल भुर्तेलले पाँचौं विकेटका लागि ६४ रनको साझेदारी गरेका थिए । तल्लोक्रमका सोमपाल कामी र गुलशन झाले पनि खाता खोल्न सकेनन् । दिल्लीका प्रिन्स यादवले ९ ओभरमा ३ मेडन राख्दै ४२ रन खर्चेर ३ विकेट लिए । मनिष श्रीवातले २ विकेट लिए ।

नेपालले आइसिसी विश्वकप लिग २ अन्तर्गत नामिबिया भ्रमण अघि भारतमा अभ्यास खेलेको हो । नेपालले शुक्रबार दिल्लीसँगनै दोस्रो अभ्यास खेल खेल्नेछ । आइतबार नामिबिया प्रस्थान गर्नेछ ।

नेपालको टोली :

रोहित पौडेल (कप्तान), आसिफ शेख, दीपेन्द्रसिंह ऐरी, कुशल भुर्तेल, ललित राजवंशी, सोमपाल कामी, सागर ढकाल, अर्जुन साउद, ज्ञानेन्द्र मल्ल, आरिफ शेख, गुलशन झा, करण केसी, हरिशंकर शाह र नन्दन यादव ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.