सातौं राष्ट्रिय खेलकुद

विराटनगर (हाम्रो खेलकुद)– एपिएफ र नेपाली सेनाको त्रिभुवन आर्मीबीच सातौं राष्ट्रिय खेलकुदअन्तर्गत क्रिकेटको उपाधिका लागि भिड्ने भएका छन् । बैजनाथपुरको खेल मैदानमा भएको पहिलो सेमिफाइनलमा एपिएफले मध्यमाञ्चललाई र सागर पुन र अनिल को अर्धशतकको मद्दतमा आार्मीले नेपाल पुलिस क्लबलाई ८ विकेटले हरउाँदै एकअर्कासँगको भेट पक्का गरेका हुन् ।

पहिलो सेमिफाइनल टस जितेर ब्याटिङ गरेको मध्यमाञ्चलले निर्धारित २० ओभरमा सबै विकेट गुमाएर ६१ रनको योगफल तयार पारेको थियो । टोलीका लागि हरिशंकर साहले २१ रन बनाए । एपिएफका करण केसी र बसन्त रेग्मीले समान २ तथा शक्ति गौचन, कप्तान पारस खड्का, यज्ञमान कमाल र भुवन कार्कीले समान १ विकेट लिए ।

जवाफमा ६२ रनको लक्ष्य पछ्याएको एपिएफले ९.३ ओभरमा २ विकेट गुमाई लक्ष्य प्राप्त गरेको थियो । प्रदीप ऐरीले २४ बलमा ४ चौकासहित अविजित ३३ रन, पृथु बाँस्कोटाले अविजित रहन बनाएका थिए । मध्यमाञ्चलका रशिद खानले २ विकेट लिए ।
दोस्रो सेमिफाइनलमा टस जितेर ब्याटिङ गरेको पुलिसले निर्धारित २० ओभरमा सवै विकेट गुमाई १ सय ४४ रन बनाएको थियो । प्रेम तामाङले ३७ बलमा ४ चौका प्रहार गरी ३५ रन र दिलिप नाथले २५ बलमा १ छक्का र ३ चौका प्रहार गरी ३२ रन बनाए । आर्मीका सोमपाल कामीले ४ ओभरमा २५ रन दिएर ३ विकेट लिए । विक्रम सोव र चन्द्र साउदले समान २ विकेट लिए ।
१ सय ४५ रनको लक्ष्य पछ्याएको आर्मीले १८.३ ओभरमा २ विकेट गुमाई जित हात पा¥यो । टोलीका सागर पुनले ४८ बलमा १ छक्का र ७ चौका प्रहार गरी ५९ रन र अनिल मण्डलले ५४ बलमा ६ चौका प्रहार गरी नटआउट ६२ रन बनाए । पुलिसका मन्जित श्रेष्ठ र दिपेन्द्र ऐरीले समान १ विकेट लिए ।