कुशल रोयल डक आउट

दुबई (हाम्रो खेलकुद) – नेपालका ओपनर कुशल भुर्तेल आइसिसी विश्वकप लिग-२ त्रिकोणात्मक ओडिआई सिरिज अन्तर्गत पपुवा न्युगिनीविरुद्ध पहिलो बलमै आउट भएका छन् ।

जितको लागि १ सय ८० रनको विजयी लक्ष्य पछ्याएको नेपालले पहिलो ओभरमा १ विकेट गुमाउँदै ३ रन बनाएको छ । क्रिजमा आसिफ शेख र ज्ञानेन्द्र मल्ल छन् । तीव्र गतिका बलर सेमो कमेआको बलमा कुशल भुर्तेल पहिलो बलमै बोल्ड हुँदै रोयल डक पेभेलिएन फर्केका छन् ।

कुशलले पहिलो खेलमा पपुवा न्युगिनीविरुद्ध ५५ रन बनाउँदै प्लेयर अफ द म्याच चुनिएका थिए । दोस्रो खेलमा भने कुशल युएईसँग ५ रनमै आउट भएका थिए ।

त्यसअघि दुबई इन्टरनेशल क्रिकेट स्टेडियममा टस जितेर पहिला ब्याटिङ थालेको पपुवा न्युगिनी ४९.२ ओभरमा १ सय ७९ रनमा अल आउट भएको थियो । पपुवा न्युगिनीका ओपनर टोनी उराले ५१ बलमा २ चौका र १ छक्कासहित सर्वाधिक ३९ रन बनाएका थिए ।