काठमाडौं (हाम्रो खेलकुद) – नेपालका ओपनर आसिफ शेखले ओडिआई क्रिकेटमा आफ्नो एक हजार रन पूरा गरेका छन् । आइसिसी विश्वकप लिग २ त्रिकोणात्मक ओडिआई सिरिजमा पपुवा न्युगिनीविरुद्ध ९० रन जोड्दै एक हजार रन पूरा गरेका हुन् ।

आसिफले यस सफलता ३२ खेलमा पूरा गरेका हुन् । आसिफ नेपालबाट ओडिआई एक हजार रन पूरा गर्ने दोस्रो खेलाडी हुन् । कप्तान रोहित पौडेल नेपालबाट ओडिआईमा एक हजार रन पूरा गर्ने पहिलो खेलाडी हुन् । रोहित क्रिजमा खेलि रहँदा ४१ खेलमा १ हजार १ सय ९४ रन बनाई सकेका छन् । आसिफले ३२ औं ओभरको तेस्रो बलमा एक रन बटुल्दै एक हजार रन पूरा गरेका थिए ।

नेपालले ३१.३ ओभरमा ३ विकेट गुमाउँदै १ सय ७० रन बनाएको छ । रोहित पौडेल १५ रनमा खेलेका छन् । आसिफ ९० बलमा १० चौका र २ छक्कासहित ९० रनमा क्रिजमा छन् । आसिफले २०२१ सेप्टेम्बरमा ओमान भ्रमणमा पपुवा न्युगिनीविरुद्ध डेब्यू गरेका थिए ।

२१ वर्षीय विकेटकिपर आसिफले त्यसपछि लगातार नेपाली क्रिकेट टोलीबाट उच्च प्रदर्शन गर्दै आएका छन् । पहिलो विकेटका लागि आसिफ शेख र कुशल भुर्तेलले १८.४ ओभरमा १ सय १० रनको शतकीय साझेदारीका साथ सानदार सुरुवात दिलाएका थिए । कुशल ४५ रनमा आउट भए ।