एजेन्सी – लाहोर कलन्दर्सका ओपनर फखार जमानले पाकिस्तान सुपर लिग (पिएसएल) मा इस्लामबाद युनाइटेडविरुद्ध सानदार शतक प्रहार गरेका छन् । उनको शतक र राशिद खानको घातक बलिङको सहयोगमा लाहोरले इस्लाबाद युनाइटेडलाई १ सय १९ रनको फराकिलो अन्तरले पराजित गरेको छ ।

रावलपिंडी क्रिकेट स्टेडियममा टस जितेर पहिला ब्याटिङ थालेको लाहोरले निर्धारित २० ओभरमा ५ विकेट गुमाउँदै २ सय २६ रन बनायो । ओपनर फखार जमानले ५७ बलमा ८ चौका र ८ छक्कासहित १ सय १५ रनको सानदार शतकीय इनिङ खेले । कमरन घुललम ४१ र साम बिलिंग्स ३२ रनमा आउट भए ।

अन्य ब्याटरले भने राम्रो प्रदर्शन गर्न सकेनन् । युनाइटेडका फजलहक फारुकीले ४ ओभरमा ४० रन खर्चेर ३ विकेट लिए । हसन अली र मोहम्मद वासिमले एक एक विकेट लिए ।

जितको लागि २ सय २७ रनको विशाल विजयी लक्ष्य पछ्याएको युनाइटेड १५.१ ओभरमा १ सय ७ रनमा अल आउट भयो । उसका एलेक्स हेल्स र हसन अलीले १८-१८ रन बनाए । अन्य ब्याटरले राम्रो प्रदर्शन गर्न सकेनन् ।

लाहोरका राशिद खानले ४ ओभरमा २१ रन खर्चेर ४ विकेट लिए । जमान खान र हरिस रौफले दुई दुई विकेट लिए । लाहोर ९ खेलमा ७ मा जित र २ मा हारसहित १४ अंकका साथ शीर्ष स्थानमा रहँदै प्लेअफमा पुगि सकेको छ । युनाइटेड ९ खेलमा ६ मा जित र ३ मा हारसहित १२ अंकका साथ दोस्रो स्थानमा रहँदै प्लेअफमा स्थान बनाएको छ ।