काठाडौं (हाम्रो खेलकुद) – नेपाललाई आइसिसी यू–१९ विश्वकप २०२४ मा पुर्याउने सुदूरपश्चिम प्रदेशका खेलाडीलाई प्रदेश सरकारले समान एक लाख दिने भएको छ । सुदूरपश्चिमले आफ्ना प्रदेशका खेलाडीलाई एक लाख र अफिसललाई ५० हजार रुपैयाँ दिने घोषणा गरेको मुख्य प्रशिक्षक जगत टमाटाले जानकारी दिए ।

दुई साता अघि नेपालले आइसिसी यू-१९ विश्वकप एसिया क्षेत्र छनोटमा युएईलाई ७ रनले हराउँदै आगमी वर्ष श्रीलंकामा हुने यू१९ विश्वकपमा स्थान बनाएको थियो । जसबाट सुदूरपश्चिमका पाँच खेलाडी र चार अफिसियल थिए ।

नेपाली यू-१९ टोलीमा प्रतिनिधित्व गर्ने सुदूरका तीव्र गतिका बलर हेमन्त धामी, आकाश चन्द, दीपक बोहरा, दीपक बोहरा र मिलन बोहरा थिए । त्यस्तै मुख्य प्रशिक्षक जगत टमाटा, टिम म्यानेजर विक्रम विष्ट, फिजियो पुरन तिरुवा र सायहक प्रशिक्षक धिरेन्द्र चन्द थिए । धिरेन्द्र चन्द नेपालमा अभ्यासमा ब्यस्त भएपनि क्यानले आर्थिक समस्याको कारण साहयक प्रशिक्षक युएई लगेको थिएन ।

फाइनमा युएईलाई हराउन हेमन्तले ८ ओभरमा ३४ रन खर्चेर २ विकेट लिएका थिए । ५० रन बनाएर खेलेका इथान कार्ल डि सोल्जालाई बोल्ड गर्दै जित नजिक पुर्याएका थिए । हङकङविरुद्ध तीन विकेट लिँदै प्लेयर अफ द म्याच चुनिएका थिए ।
आकाश चन्दले सिंगापुरविरद्ध ६ विकेट लिएका थिए ।

हेमन्तले प्रतियोगितामा ९ र आकाश चन्दले ११ विकेट लिएका थिए । मिलन बोहरा अलराउन्डर हुन् । ओपनर दीपक बोहरा लेग स्पिन बलिङ पनि गर्दछन् । अर्का दीपक बोहरा फिनिसर थिए ।