2 years ago
March 13, 2023
काठमाडौं (हाम्रो खेलकुद) – नेपालका ओपनर आसिफ शेख र कुशल भुर्तेलले आइसिसी विश्वकप लिग २ त्रिकोणात्मक ओडिआई सिरिजमा पपुवा न्युगिनीविरुद्ध विष्फोटक ब्याटिङ गरेका छन् ।
जितको लागि ९६ रनको विजयी लक्ष्य पछ्याएको नेपालले ३.३ ओभरमा १ विकेट गुमाउँदै ५१ रन बनाएको छ । कुशल भुर्तेल १४ बलमा ४ चौका र २ छक्कासहित ३३ रनमा आउट भए । आसिफ शेख ९ बलमा ४ चौकासहित १६ रनमा क्रिजमा छन् ।
कुशलले दोस्रो ओभरमा कबुवा मोरेआलाई एकै ओभरमा २६ रन प्रहार गरेका थिए । पहिलो बल चौका, दोस्रो डट र तेस्रो बल चौका हानेका थिए । पाँचौं बलमा दुई रन जोड्दा, त्यसपछि बाँकी दुई नो बलमा चौका लगातार हानेका थिए ।
अन्तिम बलमा छक्का हानेका थिए । चाल्स अमिनीलाई तेस्रो ओभरमा आसिफ शेखले तीन चौकासहित १२ रन जोडेका थिए । नेपालले ३.२ ओभरमै सुरुवाती ५० रन जोडेको थियो ।
त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको पपुवा न्युगिनी ३२ ओभरमा ९५ रनमा अल आउट भएको थियो । नेपालका सन्दीप लामिछानेले १० ओभरमा १ मेडनसहित २५ रन खर्चेर ५ विकेट लिए ।
सन्दीपको यो ओडिआई करिअरको तेस्रो पटक पाँच विकेट हो । सन्दीपले आफ्नो स्पेलको अन्तिम बलमा सेमो कमियालाई बोल्ड गर्दै पाँच विकेट पूरा गरेका थिए ।
June 15, 2025
सुमन अधिकारी,बुटवल साविक विजेता वेष्ट्रन क्रिकेट क्लबले रुपन्देहीको पुरानो क्लब स्तरीय प्रतियोगिता उजिर सिंह रनिङ सिल्ड टि ट्वान्टी क्रिकेट प्रतियोगितामा विजयी सुरुवात गरेको छ। बुटवल उपमहानगरपालिकाको सहयोग तथा बुटवल क्रिकेट विकास समितिको आयोजनामा सुरु भएको प्रतियोगिताको उद्घाटन खेलमा वेष्ट्रनले गोलपार्क क्रिकेट क्लबलाई ९ विकेटले पराजित गरेको छ । जितका लागि मात्र ७० रनको मध्यम लक्ष्य […]
June 15, 2025
काठमाडौं (हाम्रो खेलकुद) – मेलम्ची नगरालिका र पाँचपोखरी क्रिकेट क्लबले जिल्ला स्तरीय पाँचपोखरी टि२० क्रिकेट प्रतियोगिताको उपाधिका लागि प्रतिस्पर्धा गर्ने भएका छन् । पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी प्रतियोगिता अन्तर्गत आइतबार सम्पन्न सेमिफाइनल खेल वर्षाका कारण प्रभावित हुन पुग्यो । पहिलो सेमिफाइनल वर्षाका कारण रद्द भएपछि पाँचपोखरी क्रिकेट क्लब समूह […]
June 14, 2025
काठमाडौं (हाम्रो खेलकुद) – पाँचपोखरी थाङपाल गाउँपालिका र सिन्धुपाल्चोक जिल्ला क्रिकेट संघको संयुक्त आयोजनामा जारी जिल्ला स्तरीय पाँचपोखरी टि२० क्रिकेट प्रतियोगिताको सेमिफाइनल समीकरण पूरा भएको छ । कीर्तिपुरस्थित त्रिवि क्रिकेट मैदानमा समूह ‘ए’ बाट पाँचपोखरी क्रिकेट क्लब र द माइटी साँगाचोक क्लब तथा समूह ‘बी’बाट मेलम्ची नगरपालिका र भोटेचौर स्पोर्टस क्लबले अन्तिम चारको यात्रा तय […]
