एजेन्सी – मार्कस स्टोइनिस र आवेश खानको उत्कृष्ट बलिङमा लखनऊ सुपर जायन्ट्सले इन्डियन प्रिमियर लिग (आइपिएल) २०२३ को २६ औं खेलमा राजस्थान रोयल्समाथि १० रनको सानदार पूनरागमन जित हात पारेको छ ।

जितको लागि १ सय ५५ रनको मध्यम विजयी लक्ष्य पछ्याएको राजस्थानले निर्धारित २० ओभरमा ६ विकेट गुमाउँदै १ सय ४४ रन बनायो ।

राजस्थानका जस बटलरले ४१ बलमा ४ चौका र १ छक्कासहित ४० रन बनाए । यशस्वी जैसवाल ३५ बलमा ४ चौका र २ छक्कासहित सर्वाधिक ४४ रनमा आउट भए । पहिलो विकेटका लागि बटलर र जैसवालले ११.३ ओभरमा ८७ रनको साझेदारीका साथ सानदार सुरुवात दिलाएका थिए ।

जैसवाललाई स्टोइनिसले आवेश खानबाट क्याच गराए । त्यसपछि लगातार विकेट गुमाएपछि मध्यम योगफलमा पनि पराजित हुन पुगेको हो । देवदत्त पाडिक्कल २१ बलमा ४ चौकासहित २६, रियान पराग १५, शिम्रन हेटमायर र सन्जु स्यामसन २(२ रन बनाए । लखनऊका आवेश खानले ४ ओभरमा २५ रन खर्चेर ३ विकेट लिए । मार्कस स्टोइनिसले ४ ओभरमा २८ रन खर्चेर २ विकेट लिए ।

त्यसअघि जयपुरमा टस हारेर पहिला ब्याटिङ थालेको लखनऊले निर्धारित २० ओभरमा ७ विकेट गुमाउँदै १ सय ५४ रन बनाएको थियो । लखनउको जितमा ओपनर कायल मेयर्स ४२ बलमा ४ चौका र ३ छक्कासहित सर्वाधिक ५१ रनमा आउट भए । उनी स्पिनर रविचन्द्रन आश्विनको बलमा बोल्ड आउट भए ।

अर्का ओपनर लोकेश राहुल ३२ बलमा ४ चौका र १ छक्कासहित ३९ रनमा आउट भएका थिए । पहिलो विकेटका लागि लाहुल र मेयर्सले १०.४ ओभरमा ८२ रनको साझेदारी गरेका थिए ।

राहुल जेसन होल्डरको बलमा लङअनमा जस बटलरबाट क्याच आउट भए । अर्को ओभरमा आयुष बदोनी ट्रेन्ट बोल्टको बलमा एक रनमा बोल्ड भए । दीपक हुँडा दुई रन क्याच आउट भए । निकोलस पुरन २० बलमा २ चौका र १ छक्कासहित २८ र मार्कस स्टोइनिस १६ रनमा आउट भए ।

राजस्थानका रविचन्द्रन आश्विनले ४ ओभरमा २३ रन खर्चेर २ विकेट लिएका थिए । ट्रेन्ट बोल्टले ४ ओभरमा १ मेडनसहित १६ रन खर्चेर १ विकेट लिए । सन्दीप शर्मा र जेसन होल्डरले समान एक विकेट लिए ।

राजस्थान ६ खेलमा ४ मा जित र २ मा हारसहित ८ अंकका साथ शीर्ष स्थानमा छ । लखनऊ ६ खेलमा ४ मा जित २ मा हाखरसहित ८ अंक भएपनि नेटरनरेटको कारण दोस्रो स्थानमा छ । राजस्थानले अव आइतबार रोयल च्यालेन्जर्स बेंगलोरसँग खेल्नेछ । लखनऊले शनिबार गुजरातसँग खेल्नेछ ।