default_image

9 months ago

May 23, 2023

टेस्ट टोलीसँग वार्मअप खेल खेल्न नपाउने नेपाल एक्लो देश

काठमाडौं (हाम्रो खेलकुद) – नेपाल आगमी महिना जिम्बावेमा हुने आइसिसी एकदिवसीय विश्वकप छनोट खेलअघि वार्मअप खेलमा टेस्ट टोलीसँग खेल्न नपाउने एक मात्रै एसोसिएट देश बनेको छ । प्रतियोगितामा चार टेस्ट र ६ एसोसिएट सहित १० टोली छन् । नेपाल बाहेक अन्य पाँच एसोसिएट देशले बलिया टेस्ट टोलीसँग वार्मअप खेल खेल्नेछन् । यता नेपालले भने आइसिसी […]

137 views

0 Bookmark

काठमाडौं (हाम्रो खेलकुद) – नेपाल आगमी महिना जिम्बावेमा हुने आइसिसी एकदिवसीय विश्वकप छनोट खेलअघि वार्मअप खेलमा टेस्ट टोलीसँग खेल्न नपाउने एक मात्रै एसोसिएट देश बनेको छ ।

प्रतियोगितामा चार टेस्ट र ६ एसोसिएट सहित १० टोली छन् । नेपाल बाहेक अन्य पाँच एसोसिएट देशले बलिया टेस्ट टोलीसँग वार्मअप खेल खेल्नेछन् । यता नेपालले भने आइसिसी र आफूले व्यवस्था मिलाएका सबै वार्मअप खेल एसोसिएट टोलीविरुद्ध खेल्नेछ ।

वार्मअप खेलहरु जेठ ३० र ३२ मा हुनेछन् । नेपालले जेठ ३० मा युएई र जेठ ३२ मा ओमानसँग वार्मअप खेल खेल्नेछ । नेपाल बाहेक अन्य पाँच एसोसिएट टोलीले भने बलिया टेस्ट टोलीसँग वार्मअप खेल खेल्नेछन् । युएईले नेपालपछि वेस्टइन्डिजसँग वार्मअप खेल खेल्नेछ ।

ओमानले नेपालअघि जिम्बावेसँग वार्मअप खेल खेल्नेछ । स्कटल्यान्डले वेस्टइन्डिज र जिम्बावेसँग वार्मअप खेल खेल्नेछ । नेदरल्यान्ड्सले श्रीलंका र आयरल्यान्डसँग वार्मअप खेल खेल्नेछ ।

अमेरिकाले श्रीलंका र आयरल्यान्डसँग वार्मअप खेल खेल्नेछ । वार्मअपमा खेलमा टोलीमा भएका १५ खेलाडीलाई नै खेलाउन मिल्छ । यस खेल प्रतियोगिता अघि तयारीको रुपमा आइसिसीले प्रदान गर्ने हो । वार्मअप खेलले कुनैपनि मान्यता पाउने छैन । यो एउटा अभ्यास खेल मात्रै हुनेछ ।

नेपाल अन्तिम तयारीको लागि दक्षिण अफ्रिका जाने कार्यक्रम छ । नेपाल क्रिकेट संघ (क्यान) का कार्यवाहक सचिव दुर्गाराज पाठकको अनुसार नेपाल जेठ १८ मा दक्षिण अफ्रिका जानेछ । एक हप्ताको तयारीपछि नेपाल जेठ २८ मा जिम्बावे लाग्नेछ । नेपालले दक्षिण अफ्रिकामा नेदरल्यान्ड्स र स्कटल्यान्डसँग वार्मअप खेल खेल्ने कार्यक्रम छ ।

नेपालले विश्वकप छनोट अघि खेल्ने चारै वार्मअप खेल एसोसिएट टोलीविरुद्ध हुनेछन् । उता युएई भने वेस्टइन्डिजसँग तीन ओडिआई खेलको सिरिजका साथ जिम्बावे जानेछ । युएईले जुन ४, ६ र ९ मा घरेलु मैदानमा वेस्टइन्डिजसँग तीन खेलको ओडिआई सिरिज खेल्ने कार्यक्रम छ ।

प्रतियोगिता समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् । समूह बी मा आयरल्यान्ड, श्रीलंका, युएई, स्कटल्यान्ड र ओमान छन् । प्रतियोगिता असार ३ देखि २४ (जुन १८ देखि जुलाई ९) सम्म जिम्बावेमा हुनेछ ।

नेपालले पहिलो खेल असार ३ मा (जुन १८) मा जिम्बावेसँग खेल्नेछ । नेपालले त्यसको एक दिनपछि असार ५ (जुन २०) मा अमेरिकासँग खेल्नेछ । नेपालले असार ७ (जुन २२) मा वेस्टइन्डिजसँग खेल्नेछ । नेपालले समूह चरणको अन्तिम खेल असार ९ (जुन २४) मा नेदरल्यान्ड्ससँग खेल्नेछ ।

यदी समूह चरणमा शीर्ष तीनमा पर्न सके नेपालले सुपर सिक्समा स्थान बनाउनेछ । सुपर सिक्समा हरेक समूहबाट शीर्ष तीन टोली आउनेछन् ।

सुपर सिक्समा सबै टोलीले एक अर्कासँग खेलेपछि शीर्ष दुई टोलीले आगमी अक्टोबर नोभेम्बरमा भारतमा हुने एकदिवसीय विश्वकपमा स्थान बनाउनेछन् । भारत, अष्ट्रेलिया, इंग्ल्यान्ड, पाकिस्तान, न्युजिल्यान्ड, अफगानिस्तान, बंगलादेश र दक्षिण अफ्रिकाले भने सिधैं विश्वकपमा स्थान बनाएका छन् ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.