1 year ago
June 3, 2023
एजेन्सी – युवा ब्याटर ओली पोपको सानदार दोहोरो शतक र जोश टंगको पाँच विकेटको सहयोगमा एकमात्रै टेस्ट खेलमा इंग्ल्यान्डले छिमेकी टोली आयरल्यान्डलाई १० विकेटले पराजित गरेको छ । जितको लागि ११ रनको विजयी लक्ष्य इंग्ल्यान्डले ४ बलमै कुनैपनि विकेट नगुमाई पूरा गर्यो ।
इंग्ल्यान्डको जितमा ओपनर ज्याक क्रली ४ बलमा ३ चौकासहित १२ रनमा नट आउट रहे । त्यसअघि आयरल्यान्ड दोस्रो इनिङमा ३ सय ६२ रनमा अल आउट भयो । पहिलो इनिङमा इंग्ल्यान्डले ३ सय ५२ रनको विशाल अग्रता लिएको हुँदा समग्रमा ११ रनको लक्ष्य पाएको थियो ।
आयरल्यान्डका मार्क आदिरले ७६ बलमा १२ चौका र २ छक्कासहित सर्वाधिक ८८ रनको योगदान दिए । तीव्र गतिका बलर म्याथ्यु पट्सको बलमा जोनी बेयरस्टोबाट क्याच आउट भएपछि शतकको अवसर गुमाएका थिए । एन्डी म्याकबर्नी १ सय १५ बलमा १४ चौकासहित ८६ रनमा नटआउट रहे ।
आठौं विकेटका लागि म्याकबर्नी र मार्क आदिरले १ सय ६३ रनको सानदार शतकीय साझेदारीका साथ इनिङ अन्तरको हारबाट बचाएका थिए । ह्यारी टेक्टर ५१, लोर्कान टकर ४४ र पल स्टर्लिङ १५ रनमा आउट भए ।
इंग्ल्यान्डका डेब्यू खेल खेलेका तीव्र गतिका बलर जोश टंगले सर्वाधिक पाँच विकेट लिए । जो रुट, म्याथ्यु पट्स, ज्याक लेच र ब्रोडले समान एक विकेट लिए ।
इंग्ल्यान्डले पहिलो इनिङमा ५२४/४ को अवस्थामा समाप्ति घोषणा गरेको थियो । इंग्ल्यान्डका युवा ब्याटर ओली पोपले २ सय ८ बलमा २२ चौका र ३ छक्का सहित २ सय ५ रनको सानदार दोहोरो शतकीय इनिङ खेलेका थिए । उनीनै खेलको प्लेयर अफ द म्याच चुनिए ।
इंग्ल्यान्डका अर्का ओपनर बेन डकेट १ सय ७८ बलमा २४ चौका र १ छक्कासहित १ सय ८२ रनमा आउट भए । उनी ग्राहम हुमेको बलमा बोल्ड भएका थिए । ओपनर ज्याक क्रली ४५ बलमा ११ चौकासहित ५६ रनमा आउट भएका थिए ।
पहिलो विकेटका लागि डकेट र क्रलीले १ सय ९ रनको शतकीय साझेदारी गरेका थिए । दोस्रो विकेटका लागि डकेट र ओली पोपले २ सय ५६ रनको दोहोरो शतकीय साझेदारी गरेका थिए । जो रुट ५९ बलमा ४ चौका र १ छक्कासहित ५६ रनमा आउट भए । आयरल्यान्डका एन्डी म्याकबर्नीले सर्वाधिक दुई विकेट लिएका थिए ।
त्यसअघि टस हारेर पहिला ब्याटिङको निम्तो पाएको आयरल्यान्ड पहिलो दिनमै १ सय ७२ रनमा अल आउट भएको थियो । आयरल्यान्डका जेम्स म्याकुलम ३६ र कर्टिस क्याम्फर ३३ रनमा आउट भएका थिए । इंग्ल्यान्डका स्टुअर्ट ब्रोडले सर्वाधिक ५ विकेट लिएका थिए । ज्याक लेचले ३ र म्याथ्यु पट्सले दुई विकेट लिए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]