default_image

9 months ago

June 13, 2023

नेपाल पाकिस्तानसँग झिनो अन्तरले पराजित

काठमाडौं (हाम्रो खेलकुद) – एसिसी महिला इमर्जिङ्ग टिम्स एसिया कपमा नेपाल पहिलो खेलमा पाकिस्तान ए सँग झिनो अन्तरले पराजित भएको छ । ब्याटरहरुले राम्रो सुरुवात गरेपनि त्यसलाई ठूलो स्कोरमा परिणत गर्न नसक्दा नेपाल ९ रनले पराजित हुन पुग्यो । जितका लागि ८८ रनको लक्ष्य पछ्याएको नेपाल निर्धारित २० ओभरमा ६ विकेट गुमाउँदै ७८ रनमा सिमित […]

70 views

0 Bookmark

काठमाडौं (हाम्रो खेलकुद) – एसिसी महिला इमर्जिङ्ग टिम्स एसिया कपमा नेपाल पहिलो खेलमा पाकिस्तान ए सँग झिनो अन्तरले पराजित भएको छ । ब्याटरहरुले राम्रो सुरुवात गरेपनि त्यसलाई ठूलो स्कोरमा परिणत गर्न नसक्दा नेपाल ९ रनले पराजित हुन पुग्यो ।

जितका लागि ८८ रनको लक्ष्य पछ्याएको नेपाल निर्धारित २० ओभरमा ६ विकेट गुमाउँदै ७८ रनमा सिमित भयो । ओपनर कविता कुँवरले २० रन जोड्नुबाहेक अन्य खेलाडीले ठूलो स्कोर बनाउन नसक्दा नेपाल ऐतिहासिक जित हासिल गर्नबाट बन्चित भयो । नेपालले मध्य ओभरमा लगातार विकेट गुमाएपछि खेलमा निकै दबाब खेप्नुपरेको थियो ।

नेपालले संयम सुरुवात गरेपनि सातौं ओभरमा ओपनर सीता रानामगरको साथ गुमाएको थियो । ६ रन जोड्दै सीता आउट हुँदा नेपाल १६-१ को स्थितिमा थियो । त्यसपछि विन्दु रावल ३ रन जोड्दै दशौं ओभरको पहिलो बलमा एलबीडब्लू धरापमा परिन् ।

१३ औं ओभरको चौथो बलमा इन्दु ४ रन जोड्दै साएदा अरुबा शाहको बलमा बोल्ड भइन् । १५ औं ओभरमा सम्झना खड्का ७ रन जोड्दै आउट भएपछि नेपालको जितको सम्भावना पातलिएको थियो । लगत्तै अर्को ओभरमा कप्तान रुविना क्षेत्री आउट भएपछि नेपाल ५३-६ को स्थितिमा पुग्यो । रुविनाले ६ रन जोडिन् ।

मध्यक्रमका ब्याटर कविता जोशी १ चौकासहित १५ रनमा नटआउट रहिन् । ज्योति पाण्डेले नटआउट ९ रन जोडेपनि नेपाल जितसम्म पुग्न सकेन । अन्तिम ओभरमा १७ रन चाहिएको अवस्थामा नेपालले मात्र ७ रन जोडेको थियो ।

त्यसअघि हङकङमा टस हारेर पहिला ब्याटिङको निम्तो पाएको पाकिस्तान १९.२ ओभरमा ८७ रनमा अल आउट भयो । नेपाललाई ओपनर कविता कुँवरले पहिलो सफलता दिलाएकी थिइन् । लगातार योर्करका साथ उनले दबाबमा राखेकी थिईन् ।

ओपनर इयामा फतिमा कविता कुँवरको बलमा इन्दु बर्माबाट शुन्यमा क्याच आउट भएकी थिईन् । स्पिनर कविता जोशीले छौटौं ओभरको तेस्रो बलमा सदाफ शमासलाई १२ रनमा बोल्ड आउट गरिन् । एक बलपछी नतालिया प्रबेज ठुलो सट खेल्ने धुनमा विकेटकिपर ज्योति पान्डेबाट क्याच आउट भइन्।

गुल फेरोजा १८ बलमा २ चौकासहित १२ रनमा आउट भैइन्। उनी सीता राना मगरको बलमा क्याच आउट हुन पुगेकी थिइन् । नेपालले सानदार बलिङ गरेपछि एक समय पाकिस्तान ६५-७ को दयनीय अवस्थामा पुगेको थियो ।

तुबा हसन र फातिमा सानाले आठौं विकेटका लागी २७ रनको साझेदारी गरेका थिए । तुबा हसन १४ बलमा १ छक्कासहित ९ रनमा इन्दुको बलमा कट एन्ड बोल्ड आउट भईन् । इन्दु बर्माले ३ ओभरमा १ मेडनसहित ६ रन खर्चेर ३ विकेट लिइन् ।

नेपालकी सीता रानामगरले ४ ओभरमा १६ रन खर्चेर २ विकेट लिइन् । त्यस्तै कविता जोशीले ४ ओभरमा १६ रन खर्चेर २ विकेट लिइन् । कविता कुँवरले ३.२ ओभरमा १२ रन खर्चेर २ विकेट लिईन् ।

नेपालले अब विहीबार समूहको दोस्रो खेलमा भारत ए को सामना गर्नेछ । त्यसपछि समूहको अन्तिम खेल शनिबार आयोजक हङकङसँग हुनेछ । प्रतियोगितामा सहभागी ८ टोलीलाई २ समूहमा विभाजन गरिएको छ । हरेक समूहका शीर्ष २ टोलीले सेमिफाइनलमा प्रतिस्पर्धा गर्नेछन् । पहिलो दिनको खेलमा श्रीलंकाले यूएईमाथि र बंगलादेशले मलेसियामाथि जित दर्ता गरे ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.