काठमाडौं (हाम्रो खेलकुद) – ओपनर कुशल भुर्तेल र आसिफ शेखले नेपाललाई सानदार सुरुवात दिलाउनेक्रममा आइसिसी एकदिवसीय विश्वकप छनोट अन्तर्गत पहिलो खेलमा घरेलु टोली जिम्बावेविरुद्ध शतकीय साझेदारी गरेका छन् । हरारे स्पोर्ट्स क्लबमा टस हारेर पहिला ब्याटिङको निम्तो पाएको नेपालले २४ ओभरमा कुनै विकेट नगुमाई १ सय ११ रन बनाएका छन् ।

आसिफ शेख ७१ बलमा ३ चौकासहित ३९ रनमा क्रिजमा छन् । कुशल भुर्तेल ७३ बलमा ९ चौका र १ छक्कासहित ६५ रनमा नट आउट छन् । ब्यक्तिगत एक रनमा जीवनदान पाएका कुशलले त्यसपछि उत्कृष्ट ब्याटिङका साथ अर्धशतक बनाउँदै जिम्बावेलाई दबाबमा राखेका छन् । आसिफ शेख ५७ बलमा २ चौकासहित २९ रनमा क्रिजमा छन् ।

तर तीव्र गतिका बलर रिचर्डको चौथो ओभरको चौथो बलमा कुशल भुर्तेलले ब्यक्तिगत एक रनमा जीवनदान पाएका थिए । एज लागेको बल फस्ट स्लिपमा सिकन्दर राजाले सहज क्याच छाड्न पुगेका थिए । त्यो समय कुशल १२ बलमा १ रन बनाएर खेलेका थिए । त्यसपछि कुशलले आफ्नो रनको गती बढाएका थिए ।

नेपालले १४ औं बलमा रनको खाता खेलेको थियो । कुशल भुर्तेलले एक रन जोड्दै खाता खेलेका थिए । लगत्तै अर्को बलमा आसिफ शेखले चौकाका साथ आफ्नो ब्यक्तिगत खाता खेलेका थिए ।