1 year ago
June 20, 2023
काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीका बलर करण केसी आइसीसी विश्वकप छनोट अन्तर्गत मंगलबार अमेरिकाविरुद्ध खेलमा प्लेयर अफ द म्याच बने । नेपालको जितमा उच्च प्रदर्शन गरेका करणले सुरुवातमा विकेट लिएपछि योजना अनुसार भएको बताए ।
करणले घातक बलिङ गर्दै सुरुवाती ४ विकेट लिएपछि एक समय अमेरिका १८-४ को अवस्थामा खुम्चिएको थियो । खेलपछि बोल्दै करणले टोलीको योजना अनुसार नै प्रदर्शन भएको जनाए । ‘हाम्रो योजना नै थियो । टस जितेर बलिङ रोजेपछि कन्डिसनको फाइदा उठाउनु थियो । सुरुवातमै विकेट लिएपछि योजना अनुसार नै खेल अघि बढ्यो,’ उनले भने ।
पहिलो खेलमा पराजित नेपालले अमेरिकालाई हराएपछि सुपर सिक्स पुग्ने सम्भावना बलियो भएको छ । करणले आजको जितले सुपर सिक्स पुग्न सहज हुने पनि स्वीकारे । ‘हाम्रो लागि आज जित निकाल्नु निकै महत्त्वपूर्ण थियो । अब हाम्रो नजर सुपर सिक्समा पुग्न सकिन्छ भन्नेमा छ । यसका लागि बाँकी दुई मध्य एक खेल जित्नुपर्ने छ । सुपर सिक्समा पुग्ने लक्ष्य हासिल गर्छौं भन्ने विश्वास छ,’ करणले भने ।
नेपालको जितमा भीम सार्कीले अर्धशतक प्रहार गर्दा दिपेन्द्र सिंह ऐरीले आक्रामक इनिङ खेले । उनले भीमको इनिङको प्रशंसा गरे । ‘भीम र दीपेन्द्रले निकै राम्रो ब्याटिङ गरे । भीम आफ्नो इनिङमा रमायो र हामी पनि बाहिर बसेर त्यसमा रमिरहेका थियौं । निकै राम्रो प्रदर्शन भयो,’ उनले टुंग्याए ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]