1 year ago
June 24, 2023
एजेन्सी – घरेलु टोली जिम्बावेले आगमी अक्टोबर नोभेम्बरमा भारतमा हुने एकदिवसीय विश्वकप खेल्ने सम्भावना बलियो बनाएको छ । शनिबार आइसिसी विश्वकप छनोटमा वेस्टइन्डिजलाई ३५ रनले पराजित गरेपछि विश्वकप सम्भावना मजबुत बनाएको हो ।
समूह ए बाट जिम्बावे सुपर सिक्समा ४ अंकका साथ जानेछ । जिम्बावेले समूह ए बाट पुगेका वेस्टइन्डिज र नेदरल्यान्ड्स दुबैलाई हराएको छ । त्यसैले सुपर सिक्समा जिम्बावेको समूह चरणको ४ अंक गणना हुनेछ ।
समूह बी बाट श्रीलंका, ओमान, स्कटल्यान्ड र आयरल्यान्ड मध्य तीन टोली आउनेछन् । यो अवस्थामा जिम्बावेले उक्त तीन टोलीलाई पराजित गर्दा १० अंक हुन्छ । सुपर सिक्समा समूह बी बाट आउने तीनै टोलीलाई हराएको खण्डमा अपराजितका साथ विश्वकप खेल्न पाउनेछ । तर जिम्बावे एक टोलीसँग पराजित भएमा ८ अंक हुनेछ ।
वेस्टइन्डिज भने ८ अंकमा पुग्न सुपर सिक्समा तीनै खेल जित्नुपर्छ । समूह चरणको अन्तिम खेलमा सोमबार नेदरल्यान्ड्सलाई पराजित गरे सुपर सिक्समा २ अंकका साथ वेस्टइन्डिज जानेछ ।
यदि बराबर अंक भएमा सुपर सिक्समा पुगेका टोलीबीच नम्बर अफ विन हेरिनेछ । नम्बर अफ विन पनि बराबर भएमा सुपर सिक्स पुगेका टोलीबीचको नेटरनरेट हेरिनेछ । नेटरनरेट बराबर भएमा हेड टु हेड हेरिनेछ ।
समूह चरणबाट ४ अंक लगेर जाने भएपछि जिम्बावेको विश्वकप यात्रा तुलनात्मक रुपमा बलियो बनेको हो । जिम्बावेले पछिल्लो पटक २०१५ मा अष्ट्रेलिया र न्युजिल्यान्डमा सम्पन्न एकदिवसीय विश्वकप खेलेको थियो । २०१९ को इंग्ल्यान्ड विश्वकप भने गुमाएको थियो ।
२०१९ मा भने जिम्बावे घरेलु मैदानमा सम्पन्न विश्वकप छनोटमा तेस्रो स्थानमा रहँदै बाहिरिएको थियो । त्यो समय अफगानिस्तान र वेस्टइन्डिज शीर्ष दुईमा रहँदै विश्वकप खेलेका थिए । जिम्बावेले १९८३ देखी २०१५ सम्म लगातार विश्वकप खेलेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]