एजेन्सी – नेदरल्यान्ड्सले आइसिसी विश्वकप छनोटको सुपर सिक्स खेलमा श्रीलंकाविरुद्ध ड्रिम सुरुवात गरेकोछ । क्विन्स स्पोर्ट्स क्लबमा टस जितेर पहिला ब्याटिङ रोेजेको श्रीलंकाले ७ ओभरमा ३ विकेट गुमाउँदै ३४ रन बनायो । श्रीलंकाका दिमुथ करुणारत्ने १६ बलमा २ चौकासहित १८ रनमा क्रिजमा छन् ।

समूह चरणमा वेस्टइन्डिजलाई हराउन नायक बनेका लोगन भान बिकले नेदरल्यान्ड्सलाई ड्रिम सुरुवात दिलाएपछि श्रीलंका संकटमा पुगेको छ । बिकले पहिलो ओभरको पहिलो बलमै पाथुम निसांकालाई सकिबबाट क्याच गराए । रायन केलिनले चौथो ओभरको पाँचौं बलमा १० रनमा एलबीडब्लू आउट गरे ।

लोगन भान बीकको बलमा सदिरा समाराविक्रमा एक रनमा कप्तान स्कट एडवार्ड्सबाट क्याच आउट भएपछि श्रीलंका ४.५ ओभरमा २७-३ को अवस्थामा पुगेको थियो । बिकले चारिथ असांकालाई तेजा निडामानिरुबाट २ रनमा क्याच गराएपछि ३४(४ को अवस्थामा पुगेको हो ।

समूह चरणमा नेदरल्यान्ड्सले वेस्टइन्डिजलाई सुपर ओभरमा हराएको थियो । सुपर ओभरमा लोगन भान बीकले जेसन होल्डरलाई समान तीन चौका र छक्कासहित ३० रन जोड्नुको साथै दुई विकेट लिएका थिए ।

३ सय ७५ रनको लक्ष्य पछ्याउनेक्रममा ३ सय ७४ रनमा पुर्याउँदै बराबर गराउन उनले १४ बलमा ३ चौका र १ छक्कासहित महत्वपूर्ण २८ रन जोडेका थिए । श्रीलंकाले आज टोलीमा एक परिवर्तन गरेको छ । कसुन रजिथाको बलमा दिलशान मदुशानकालाई मौका दिएको छ ।