8 months ago
November 27, 2023
एजेन्सी – भारतका सर्वाधिक सफल कप्तान महेन्द्रसिंह धोनीले इन्डियन प्रिमियर लिग (आइपिएल) २०२४ पनि खेल्ने भएका छन् । चेन्नई सुपर किंग्सले धोनीलाई टोलीमा रिटेन गरेको छ ।
धोनीको कप्तानीमा चेन्नईले २०१०, २०११, २०१८, २०२१ र २०२३ मा उपाधि जितेको थियो । चेन्नई २००८, २०१२, २०१३, २०१५, २०१९ मा चेन्नई उपविजेता बनेको थियो । धोनीले २००८ को पहिलो संस्करण देखीनै चेन्नईको नेतृत्व गर्दै आएका छन् । उनको कप्तानीमा दुई पटक २०२० र २०२२ मा मात्रै चेन्नई प्लेअफमा पुग्न सकेको छैन ।
अन्य सबै संस्करणमा प्लेअफ खेलेको थियो । धोनीले आफ्नो उत्कृष्ट कप्तानीमा टिमलाई मजबुत बनाउँदै आएका छन् ।
ढल्किदो उमेरका कारणले उनले गतवर्ष नै सन्न्यास लिन सक्ने अनुमान गरिएको थियो । तर उनले २०२४ को आइपिएल पनि खेल्ने भएका छन् । चेन्नईमा उनले २०२२ देखी १२ करोड भारु वार्षिक पाउँदै आएका छन् । रविन्द्र जडेजाले १६ करोड भारु वार्षिक पाउँदै आएका छन् ।
२०२१ अघि भने धोनीले १५ करोड र जडेजाले ७ करोड भारु पाउँदै आएका थिए । धोनीले आफ्नो मूल्य घटाउन लगाउन जडेजाको बढाएका थिए । २०२२ को सुरुवातमा जडेजालाई कप्तानी जिम्मेवारी पनि दिएका थिए । तर खराब प्रदर्शन पछि पुन धोनीले टोलीको नेतृत्व गरेका थिए ।
चेन्नईले बेन स्टोक्स र अम्बाती रायुडूलाई भने फुकुवा गरेको छ । स्टोक्सले फिटनेशलाई ध्यान दिँदै आफैं नखेल्ने निर्णय लिएका थिए । गतवर्ष उनलाई अक्सनमा १६ करोड २५ लाख भारुमा किनेपनि मात्रै दुई खेल खेलेका थिए । चोटका कारण उनी बेन्चमा बसेर फर्किनु परेको थियो ।
अनुभवी ब्याटर अम्बाती रायुडूलाई टोलीबाट फुकुवा गरेको छ । चेन्नईले ८ खेलाडी मात्रै टोलीबाट फुकुवा गरेको छ । आकाश सिंह, अम्बाती रायुडू, बेन स्टोक्स, भगवथ बर्मा, ड्वेन प्रिटोरियस, काइल जेमिसन, सिसान्डा मगाला र सुभरान्शु सेनापतीलाई टोलीबाट फुकुवा गरेको छ ।
चेन्नईले टोलीमा राखेका खेलाडी :
अजय मण्डल, अजिंक्या रहाणे, दीपक चाहर, डेभन कन्वे, महेश थिक्सेना, मथिसा पाथिराना, मिचेल सान्टनार, मोईन अली, महेन्द्रसिंह धोनी, मुकेश चौधरी, निशान्त सिन्धु, प्रशान्त सोलान्की, राजवर्धन हंगारगेकार, रविन्द्र जडेजा, ऋतुराज गायकवाड, शेख राशिद, शिवम दुबे, सिमरजीत सिंह र तुषार देशपान्डे ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]