10 months ago
November 27, 2023
काठमाडौं (हाम्रो खेलकुद) – नेपाली क्रिकेट टोलीका युवा अलराउन्डर कुशल मल्लको अलराउन्ड प्रदर्शनमा आर्मीले पोखरामा जारी केपी ओली कप टि२० प्रतियोगितामा मदन भण्डारी स्पोर्ट्स एकेडेमी ब्ल्यूलाई १ सय १० रनको फराकिलो अन्तरले हराएको छ ।
जितको लागि १ सय ९६ रनको विशाल विजयी लक्ष्य पछ्याएको मदन भण्डारी १५.४ ओभरमा ८५ रनमा अल आउट भयो । मदन भण्डारीका निर्भिक पाठकले २३ बलमा ५ चौका र १ छक्कासहित सर्वाधिक २८ रन जोडे । रोनिम तिवारी १५, दीनेश सुवेदी २, अर्जुन रायमाझी ४, रणविर यादव १६ र सौम्य रोय १० रनमा आउट भए ।
आर्मीका कुशल मल्लले १.४ ओभरमा २ रन खर्चेर सर्वाधिक ३ विकेट लिए । साहब आलम र जितेन्द्र मुखियाले समान दुई विकेट लिए । विवेक यादव र रोहित पौडेलले एक एक विकेट लिए ।
त्यसअघि टस हारेर पहिला ब्याटिङको निम्तो पाएको आर्मीले निर्धारित २० ओभरमा ६ विकेट गुमाउँदै १ सय ९५ रन बनायो । आर्मीका विवेक यादव १४ बलमा ३ चौका र २ छक्कासहित २९ रनमा नट आउट रहे ।
कुशल मल्लले २१ बलमा ३ छक्कासहित २५, रोहित पौडेल १२, बसिर अहमद २३ र सन्तोष कार्की ४१ रनमा आउट भए । कप्तान तथा ओपनर विनोद भण्डारी २४ बलमा ३ चौका र ३ छक्कासहित ३८ रनमा आउट भए । मदन भण्डारीका मेहुल श्रेष्ठले २, धवन सहानी र सुभम खनाल र कौशल रुपाखेतीले १–१ विकेट लिए ।
समूह डी मा आर्मी, कोशी र मदन भण्डारी ब्ल्यू छन् । समूह डी को विजेताले समूह ए को विजेता बागमतीसँग सेमिफाइनल खेल्नेछ । समूह बी बाट एपिएफ सेमिफाइनलमा पुगेको छ । समूह सी बाट पुलिस र मधेश मध्य एक सेमिफाइनलमा पुग्नेछन् ।
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध ब्याटिङ गरिरहेको ओमानको आधा टिम पेभिलियन फर्किएको छ । ओमानका लागि पाँचौ विकेटका रुपमा प्रतिक अथाभाले आउट भएसँगै आधा टिम पेभिलियन फर्किएको हो । अथाभाले करण केसीको बलमा आउट भएका हुन् । उनले ३६ बलमा २६ रन बनाएका थिए । त्यसअघि चौथो विकेटका रुपमा आयान […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा ओमानविरुद्ध नेपालले तेस्रो विकेट लिएको छ । ओमानका कप्तान अकिब इल्यासलाई गुमाएको हो २५औं ओभरको तेस्रो बलमा इल्यास गुलसन झाको बलमा करण केसीबाट समातिएका हुन् । इल्यास ३३ बलमा २९ रन बनाउदै आउट भएका हुन् । त्यसअघि ओमानका ओपनर कश्यप प्रजापतीलाई आरिफ शेखले भाई आसिफ शेखको […]
