7 months ago
December 31, 2023
काठमाडौं (हाम्रो खेलकुद) – साविक विजेता सुदूरपश्चिम प्रदेशले प्रधानमन्त्री कप महिला टि२० राष्ट्रिय प्रतियोगिता एलिमिनेटर खेलमा बागमती प्रदेशलाई ९ विकेटले हराउँदै दोस्रो क्वालिफायरमा पुगेछ । फाइनलमा पुग्न सुदूरले पहिलो क्वालिफायरमा पराजित भएको कोशी प्रदेशसँग खेल्नेछ ।
जितको लागि १ सय रनको मध्यम विजयी लक्ष्य पछ्याएको सुदूरले १४.३ ओभरमा १ विकेट गुमाउँदै पूरा गर्यो । सुदूरको जितमा विन्दु रावल ४९ बलमा ७ चौकासहित ५४ रनमा अविजित रहिन् । सम्झना खड्का १६ बलमा २ चौकासहित २१ रनमा नट आउट रहिन् ।
ओपनर रुवि पोदार २२ बलमा २ चौकासहित १८ रनमा आउट भइन् । बागमतीको लागि एकमात्रै विकेट मनिषा उपाध्यायले १ विकेट लिइन् ।
त्यसअघि टियु क्रिकेट मैदानमा टस जितेर पहिला ब्याटिङ रोजेको बागमती १९ ओभरमा ९९ रनमा अल आउट भयो । बागमतीकी ओपनर कन्चन श्रेष्ठले ४६ बलमा ५ चौकासहित सर्वाधिक ३६ रनको योगदान दिइन् ।
ओपनर हेलिसा गुरुङ १०, यशु पाण्डे ७, सोनी पाख्रिन १४, एसोदा विष्ट र सलिना सिलवाल शून्यमा आउट भइन् । खुशी डंगोल १०, विपशा शाही १ र मनिषा उपाध्याय ८ रन बनाइन् ।
करिष्मा थापाले ४ ओभरमा ३२ रन खर्चेर सर्वाधिक ३ विकेट लिइन् । लक्ष्मी साउद र ऋतु कनौजियाले २–२ विकेट लिइन् । पहिलो क्वालिफायर खेलमा कोशी प्रदेशलाई ५२ रनले हराउँदै एपिएफ फाइनलमा पुगि सकेको छ । दोस्रो क्वालिफायर सोमबार हुँदा फाइनल बुधबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]