9 months ago
January 4, 2024
एजेन्सी – भारतले दोस्रो तथा अन्तिम टेस्ट खेलमा घरेलु टोली दक्षिण अफ्रिकालाई ७ विकेटले हराएको छ । योसँगै दुई खेलको सिरिज १–१ को बराबरीमा सकिएको छ । पाँच दिनको टेस्ट खेल तीव्र गतिका बलर हाबी हुँदा दोस्रो दिनको मात्रै दोस्रो सेसनमा सकिएको हो । लिएको पुरै ३२ विकेट नै तीव्र गतिका बलरको नाममा रह्यो ।
जितको लागि ७९ रनको सामान्य लक्ष्य भारतले १२ ओभरमा ३ विकेट गुमाउँदै पूरा गर्यो । रोहित शर्मा १७ र श्रेयस ऐर ४ रनमा अविजित रहे । यशस्वी जैसवाल २३ बलमा ६ चौकासहित सर्वाधिक २८, विराट कोहली १२ र शुभमन गिल १० रनमा आउट भए । दक्षिण अफ्रिकाका मार्को यानसन, नान्द्रे बर्गर र कागिसो रबाडाले १-१ विकेट लिए ।
दक्षिण अफ्रिका दोस्रो इनिङमा १ सय ७६ रनमा अल आउट भएको थियो । पहिलो इनिङमा ९८ रनले पछि पर्दा समग्रमा ७८ रनको अग्रता लिएको थियो । दक्षिण अफ्रिकाका ओपनर एडेन माक्ररमले १ सय ३ बलमा १७ चौका र २ छक्कासहित सर्वाधिक १ सय ६ रन बनाए ।
डिएन एल्गर १२, मार्को यानसन र डेविड बेडिंघमले ११-११ रन बनाए । अन्य कुनैपनि ब्याटरले दोहोरो अंकमा रन बनाउन सकेनन् । भारतका जस्प्रित बुमराहले ६ विकेट लिए । मुकेश कुमारले २, मोहम्मद शिराज र प्रसिद्ध कृष्णाले १–१ विकेट लिए ।
त्यसअघि भारत पहिलो इनिङमा ३४.५ ओभरमा १ सय ५३ रनमा अल आउट भएको थियो । भारत एक समय ३३ ओभरमा १५३-४ को अवस्थामा रहेपनि त्यसपछि बाँकी ११ बलमा कुनै रन नजोड्दै ६ विकेट गुमाएको थियो ।
भारतका लागि विराट कोहलीले ५९ बलमा ६ चौका र १ छक्कासहित सर्वाधिक ४६ रन बनाए । शुभमन गिल ३६ रोहित शर्मा ३९ रनमा आउट भए । श्रेयस ऐर, रविन्द्र जडेजा, जस्प्रित बुमराह, मोहम्मद शिराज र प्रसिद्ध कृष्णाले खाता खोल्न सकेनन् । भारतका ७ खेलाडी शून्यमा पेभेलिएन फर्के । दक्षिण अफ्रिकाका कागिसो रबाडा, लुन्गी एनगिडी र नान्द्रे बर्गरले समान तीन विकेट लिए ।
त्यसअघि केप टाउनमा टस जितेर पहिला ब्याटिङ रोजेको दक्षिण अफ्रिका २३.२ ओभरमा ५५ रनमा अल आउट भएको थियो । दक्षिण अफ्रिकाका कायल भेरेयानले सर्वाधिक १५ रन बनाए । डेविड बेडिंघमले १२, टोनी डी जोर्जी २ र डिएन एल्गर ४ रनमा आउट भए ।
भारतको सानदार बलिङ सामु दक्षिण अफ्रिकाका ९ खेलाडीले दोहोरो अंकमा रन बनाउन सकेनन् । भारतका मोहम्मद शिराजले ९ ओभरमा ३ मेडनसहित १५ रन खर्चेर ६ विकेट लिए । जस्प्रित बुमराह र मुकेश कुमारले २-२ विकेट लिएका थिए । पहिलो खेलमा दक्षिण अफ्रिका ३२ रनको इनिङ अन्तरले विजयी भएको थियो ।
September 19, 2024
एजेन्सी – अलराउन्डर रविचन्द्रन आश्विनको शतक सहयोगमा भारतले बंगलादेशविरुद्धको पहिलो टेस्टमा बलियो स्थितीमा रहेको छ । दुई खेलको टेस्ट सिरिजका लागि बंगलादेश भारत भ्रमणमा रहेको छ । पहिलो टेस्टमा टस हारेर पहिले ब्याटिङको निम्ता पाएको घरेलु टोलीले पहिलो दिनको खेल सकिदा ६ विकेट गुमाएर ३ सय ३९ रन बनाएको छ । भारतका लागि आश्विन १ […]
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध ब्याटिङ गरिरहेको ओमानको आधा टिम पेभिलियन फर्किएको छ । ओमानका लागि पाँचौ विकेटका रुपमा प्रतिक अथाभाले आउट भएसँगै आधा टिम पेभिलियन फर्किएको हो । अथाभाले करण केसीको बलमा आउट भएका हुन् । उनले ३६ बलमा २६ रन बनाएका थिए । त्यसअघि चौथो विकेटका रुपमा आयान […]
