काठमाडौं (हाम्रो खेलकुद) – युवा ब्याटर रित गौतमको कप्तानीमा बागमती प्रदेशले प्रधानमन्त्री कप राष्ट्रिय एकदिवसीय प्रतियोगिता खेल्ने टोली घोषणा गरेको छ ।

नेपालका लागि यू१९ क्रिकेटमा कप्तानी गरि सकेका रितको कप्तानीमा युवा टोली घोषणा गरेकोछ । ईशान पाण्डे र प्रतिश जि.सी नेपाली टोलीबाट खेलेका खेलाडी छन् । शरद भेषावकर भने वैकिल्पक खेलाडीमा पनि छैनन् । बागमतीले पूरा युवा टोली घोषणा गरेकोछ ।

प्रधानमन्त्री कप शनिबार देखी टियु, मुलपानी र भैरहवामा सुरु हुनेछ । पहिलो पटक राउन्ड रोविनको आधारमा हुनेछ । शीर्ष चारमा पर्न सके इलिट ट्रफी खेल्न पाउने अवसर पनि हुनेछ ।

रितले सिनियर स्तरमा पहिलो पटक नेतृत्व गर्नेछन् । नेपालको यू१९ पछि उनले कप्तानी गरेका छैनन् । रित नेपालबाट यू१६ र यू१९ दुबैमा शतक हान्ने एक्लो खेलाडी हुन् ।

तीव्र गतिका बलरमा गौतम केसी, प्रतिश जि.सी र रिजन ढकाल छन् ।दीपेश श्रेष्ठ र रामनगरेश गिरी लगायतका पूराना खेलाडी बागमतीको टोलीमा छैनन् । बागमतीले शनिबार टियु क्रिकेट मैदानमा नेपाल पुलिस क्लबसँग खेल्दै सुरुवात गर्नेछ ।

बागमतीको टोली :

रित गौतम (कप्तान), आशुतोष घिरैया, ईशान पाण्डे, रविन जोशी (विकेटकिपर), विवेक रानामगर, प्रतिक श्रेष्ठ, प्रतिश जि.सी, सूर्य तामाङ, कृर्जन गुरुङ, रिजन ढकाल, गौतम केसी, अशोक पौडेल, सोनु देवकोटा र विपिन आचार्य ।

वैकल्पिक : सन्देश कार्की, गौरभ खड्का, दीपेश श्रेष्ठ र कृष कार्की ।

प्रशिक्षक : क्लाम अली

टेक्लिनकल एनालिष्ट : राजन शाह