default_image

1 month ago

January 11, 2024

रोहित र ज्ञानेन्द्रलाई एपिएफमा नयाँ जिम्मेवारी

काठमाडौं (हाम्रो खेलकुद) – राष्ट्रिय क्रिकेट टोलीका कप्तान रोहित पौडेल र पूर्वकप्तान ज्ञानेन्द्र मल्ल नयाँ जिम्मेवारीका साथ नेपाल एपिएफ क्लबमा जोडिएका छन् । काठमाडौंको हल्चोकस्थित एपिएफको मुख्य कार्यलयमा रोहित कप्तान र मल्ल मुख्य प्रशिक्षकको रुपमा बिहीबार सम्झौता गर्दै टोलीमा आवद्ध भएका हुन् । शनिबार सुरु हुने प्रधानमन्त्री एकदिवसीय राष्ट्रिय प्रतियोगितामा रोहित र मल्लको जोडीले एपिएफको […]

4301 views

0 Bookmark

काठमाडौं (हाम्रो खेलकुद) – राष्ट्रिय क्रिकेट टोलीका कप्तान रोहित पौडेल र पूर्वकप्तान ज्ञानेन्द्र मल्ल नयाँ जिम्मेवारीका साथ नेपाल एपिएफ क्लबमा जोडिएका छन् । काठमाडौंको हल्चोकस्थित एपिएफको मुख्य कार्यलयमा रोहित कप्तान र मल्ल मुख्य प्रशिक्षकको रुपमा बिहीबार सम्झौता गर्दै टोलीमा आवद्ध भएका हुन् ।

शनिबार सुरु हुने प्रधानमन्त्री एकदिवसीय राष्ट्रिय प्रतियोगितामा रोहित र मल्लको जोडीले एपिएफको टोली सम्हाल्नेछन् । मल्लले राष्ट्रिय स्तरमा पहिलो पटक प्रशिक्षकको भूमिका निर्वाह गर्नेछन् । अघिल्लो महिनामात्रै मल्ल, शक्ति गौचन र गण्डकीका रिजन प्रजुले सिंगापुर पुगेर आइसिसी लेभल टु कोचिङ कोर्ष गरेका थिए ।

नेपाली क्रिकेटका एक सर्वाधिक सफल ब्याटर मल्लले गत साउनमा खेलाडी करिअरबाट सन्न्यास लिएका थिए । उनीसँग काठमाडौं क्रिकेट टेनिङ सेन्टरमा झन्डै एक दशक प्रशिक्षकको भूमिका निर्वाह गरेको अनुभव छ ।

मल्लले सन् २०११ देखी २०१९ सम्म एपीएफमा रहेर टोलीको नेतृत्व गरेका थिए । त्यसपछि मल्लले घरेलु क्रिकेट बागमतीबाट खेलेका थिए । एपिएफले उनलाई दीर्घकालिन रुपमा हेरेको बताएको छ ।

‘दीर्घकालिन सोचका साथ हामीले उहाँलाई ल्याएका हौं । अहिलेको जिम्मेवारी पिएमकप सम्म छ । तर पछिसम्म गर्ने एक किसिमको सहमति भई सकेको छ ।पिएमकपको लागि प्रशिक्षकको रुपमा सम्पूर्ण जिम्मेवारी दिएका हौं’, एपिएफका एसपी सुदीप सवेदीले हाम्रो खेलकुदसँग भने ।

‘क्रिकेटमा हामीले एउटा एकेडेमी सञ्चालन गर्ने तयारी गरेका छौं । विशेष प्रशिक्षण गराउने सोच बनाएका थियौं । त्यसको लागि एक प्रशिक्षक हामीलाई आवश्यक हुँदा उहाँलाई नियुक्त गरेका हौं’, सुवेदीले भने ।

२०१८ मा नेपाल एपिएफ क्लबले प्रधानमन्त्री कप एकदिवसीय राष्ट्रिय प्रतियोगिता जित्दा रोहित टोलीका सदस्य थिए । त्यसपछि रोहित आर्मी पुगेका थिए । यस सिजनदेखि शरद भेषावकर एपीएफमा छैनन् । प्रदीप ऐरी र भुवन कार्कीले टोलीको नेतृत्व गरि सकेका छन् । तर टोली केहि भद्रगोल र नतिजा नआएपछि सिनियर टोलीको खेलाडी खोजेको थियो । त्यसमा रोहितलाई कप्तानको जिम्मेवारी दिँदै लिएको हो ।

Rohit paudel

‘रोहित सरलाई हामीले पिएमकपसँगै दीर्घकालिन सोचका साथ लिएका छौं । त्यसैले ज्ञानेन्द्र र रोहित दुबैलाई लिएका छौं । आगामी दिनमा अन्यलाई पनि थप्ने सोच बनाएका छौं । यदि रोहित चाहनुहुन्छ भने भर्ना पनि हुन सनुहुन्छ । रोहितले हाम्रो भर्नाको नियम भने पालना गर्नुपर्छ’, सुवेदीले थपे ।

‘हामी राम्रो टिम बनाउने सोचमा छौं । एकेडेमीसँगै आफ्नै घरेलु मैदान बनाउने योजना पनि बनाएका छौं’, उनले भने ।

एपिएफले पछिल्ला दुबै प्रधानमन्त्री कपको उपाधि जितेको थियो । २०२१ मा टि२० र २०२२ नोभेम्बरमा एकदिवसीय पिएमकप उपाधि जितेको थियो । त्यसपछि पिएमकप आयोजना भएको छैन ।

पिएमकप शनिबार सुरु हुनेछ । पहिलो पटक राउन्ड रोविनको आधारमा हुँदैछ । सबै ७ प्रदेशले छनोट सम्पन्न गरेका छन् । तीन विभागीय टोलीले पनि आन्तरिक तयारी गरेका छन् । पिएमकप टियु, मुलपानी र भैरहवामा हुनेछ ।

February 25, 2024

नेपालको औसत सुरुवात

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत नेदरल्यान्ड्स विरुद्ध जारी अन्तिम खेलमा नेपालले औसत सुरुवात गरेको छ । नेपालले १३ ओभरमा ३ विकेट गुमाएर ५४ रन जोडेको छ । क्रिजमा कुशल भुर्तेल २५ रन जोडेर खेलिरेहका छन् । राम्रो सुरुवात पाएको नेपालले ५ ओभरको अन्तरमा ओपनर आसिफ शेख, अनिल शाह र कुशल मल्लको […]

February 25, 2024

नेपालले टस हार्यो, टोलीमा २ परिवर्तन

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजको अन्तिम खेलमा नेपालले नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो फिल्ड गर्ने निर्णय लिएसँगै नेपालले पहिलो ब्याटिङ गर्ने भएको हो । आज नेपाली टोलीमा दुई परिवर्तन भएको छ । देव खनाल र सोमपाल कामीले विश्राम पाउँदा गुलशन झा र […]

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

Success

Thank you for your time.