default_image

6 months ago

January 14, 2024

दुबे र जैसवालको सानदार ब्याटिङमा भारतलाई सिरिज उपाधि

2965 views

0 Bookmark

एजेन्सी – युवा ओपनर यशस्वी जैसवाल र अलराउन्डर शिवम दुबेको सानदार ब्याटिङमा भारतले दोस्रो टि२० आई खेलमा अफगानिस्तानलाई ६ विकेटले हराउँदै सिरिज उपाधि जितेको छ । योसँगै तीन खेलको सिरिज भारतले एक खेल अगावै जितेको छ ।

जितको लागि १ सय ७३ रनको विजयी लक्ष्य पछ्याएको भारतले १५.४ ओभरमा ४ विकेट गुमाउँदै पूरा गर्यो । भारतको जितमा यशस्वी जैसवालले ३४ बलमा ५ चौका र ६ छक्कासहित सर्वाधिक ६८ रनको योगदान दिए । जैसवाल पहिलो खेलमा पूर्णरुपमा फिट नहुँदा खेलेका थिएनन् । तर आजको खेलमा शुभमन गिललाई बेन्चमा राख्दै उनलाई मौका दिएको थियो । त्यसको भरपूर्ण फाइदा उठाए ।

त्यस्तै शिवम दुबेले ३२ बलमा ५ चौका र ४ छक्कासहित ६३ रनको अविजित विजयी इनिङ खेले । भारतले कप्तान रोहित शर्मालाई लगातार दोस्रो खेलमा शून्यमा गुमाएको थियो । त्यसपछि विराट कोहलीले १६ बलमा ५ चौकासहित २९ रन बनाउँदै आउट भए ।

तेस्रो विकेटका लागि दुवे र जैसवालले ९२ रनको आक्रामक साझेदारी गर्दै सहज जितको आधार तय गरेका थिए । अफगानिस्तानका करिम जन्न्तले दुई, फजलहक फारुकी रर नविन उल हकले १–१ विकेट लिए ।

त्यसअघि इन्डोरमा टस हारेर पहिला ब्याटिङको निम्तो पाएको अफगानिस्तान २० ओभरमा १ सय ७२ रनमा अल आउट भएको थियो । अफगानिस्तानका गुलबदीन नैबले ३५ बलमा ५ चौका र ४ छक्कासहित सर्वाधिक ५७ रनको योगदान दिए ।

अन्य सबै अफगानी ब्याटरले राम्रो सुरुवात गरेपनि ठूलो रनमा परिणत भने गर्न सकेनन् । प्रमुख ओपनर रहमानउल्लाह गुरबाज १४, कप्तान इब्राहिम जद्रान ८, आजमतुल्लाह ओमरजाई २, मोहम्मद नाबी १४, नाजिबउल्लाह जद्रान २३, करिम जन्नत २० र मुजिब उर रहमानले २१ रन बनाए ।

भारतका अर्शदीप सिंहले ४ ओभरमा ३२ रन खर्चेर ३ विकेट लिए । रवि विश्रोई र अक्षर पटेलले २–२ विकेट लिए ।
भारत पहिलो खेलमा ६ विकेटले विजयी भएको थियो । तेस्रो तथा अन्तिम खेल चिन्नास्वामी स्टेडियम बेंगलोरमा सुरु हुनेछ ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.