काठमाडौँ (हाम्रो खेलकुद) – दक्षिण अफ्रिमा जारी आईसिसी यु–१९ विश्वकप अन्तर्गत सुपर सिक्स चरणको पहिलो खेलमा बंगलादेशविरुद्ध पहिले ब्याटिङ गरिरहेको नेपालको चौथो विकेट पतन भएको छ ।

३१ ओभरको समाप्तीमा नेपालले ४ विकेटको क्षतिमा १ सय ६ रन बनाएको छ । विशाल विक्रम केसीले २९ र गुलशन झा १ रनमा नकआउट छन् ।

देव ३५ रन बनाएर आउट भएका छन् । २८ औं ओभरको चौथो बलमा उनी जिशान आलमको बलमा आउट भएका हुन् । चौथो विकेटका लागि देव र विशाल विक्रम केसीले ६२ रनको साझेदारी गर्दै इनिङ सम्हाल्ने प्रयास गरेका थिए । ६० बलमा देवले ३ चौका प्रहार गरे ।

टस जितेर पहिले ब्याटिङ गरिरहेको नेपालले पहिलो पावरप्लेमा ३ विकेट गुमाएको थियो । १० ओभरको समाप्तिमा नेपालले ३५ रनमा ३ विकेट गुमाएको थियो । नेपालका ओपनर द्वय अर्जुन कुमाल, विपिन रावल र तीन नम्बरमा आएका आकाश त्रिपाठी पेभेलियान फर्किएका थिए ।

विपिन रावल चौथो ओभरको पाँचौ बलमा मरुफ मृधाको बलमा मोहम्मद रिजवान चौधरीको हातबाट स्लिपमा क्याच आउट भएका थिए । उनले १२ बल खेलेर २ रन बनाए । त्यसपछि आउट हुने आकाश त्रिपाठी थिए । उनी १३ बलमा ३ रन बनाएर इक्बाल होसेन इमोनको बलमा आठौ ओभरको पाचौ बलमा रिजवानकै हातबाट क्याच आउट भए ।

अर्जुन कुमाल भने रोहानत बोर्सोनको बलमा नवौ ओभरको तेस्रो बलमा २६ बलमा २ चौका सहित १४ रन बनाएर मृधाको बलमा क्याच आउट भए ।

नेपालको प्लेइङ ११ –
अर्जुन कुमाल, विपिन रावल, आकाश त्रिपाठी, देव खनाल (कप्तान), विशाल विक्रम केसी, गुलशन झा, दिपक बोहोरा, दीपेश कंडेल, सुभाष भण्डारी, आकाश चन्द, दुर्गेश गुप्ता