काठमाडौं (हाम्रो खेलकुद) – नेपाली सिनियर राष्ट्रिय टोलीसँग एकदिवसीय अन्तर्राष्ट्रिय सिरिज खेल्न आउन लागेको क्यानडा टोलीले नेपाल ए विरुद्ध पनि सिरिज खेल्ने भएको छ ।

नेपालको सिनियर टोली र क्यानडाबीच फेब्रुअरी ८ देखि १२ सम्म ओडीआई सिरिज हुँदैछ । क्यानडाले यसपछि नेपाल नै रहेर तयारी गर्ने तालिका बनाएको छ । त्यसका लागि नेपाल ए विरुद्ध सिरिज खेल्ने बुझिएको छ । नेपालको सिनियर टोली लिग-२ मा व्यस्त रहँदा मुलपानी मैदानमा नेपाल ए को खेल आयोजना गर्न क्यानले तयारी गरिरहेको छ । यद्यपि सिरिज कुन फर्म्याट र कति लामो हुने टुंगो लागिसकेको छैन ।

क्यानडा हिजो मात्र हङकङमा मलेसियासँग त्रिकोणात्मक एकदिवसीय सिरिजको फाइनलमा पराजित भएर नेपाल आउने क्रममा छ । टोली मंगलबार साँझ नेपाल आइपुग्ने कार्यक्रम रहेको छ । क्यानडाले नेपालमा तयारी गरेपछि मार्च पहिलो साता यूएई पुगेर लिग-२ को पहिलो सिरिज खेल्नेछ ।

यता क्यानले भने नेपाल ए टोलीको घोषणा छिट्टै गर्ने भएको छ । प्रधानमन्त्री कपको उत्कृष्ट खेलाडी तथा राष्ट्रिय टोलीमा पर्दै आएका खेलाडी समेटेर नेपाल ए निर्माण गर्ने योजना रहेको छ । यसमा यू१९ टोलीका खेलाडी पनि पर्ने बलियो सम्भावना छ ।

नेपालको सिनियर टोलीले क्यानडा ओडीआई सिरिज र लिग-२ त्रिकोणात्मक सिरिजपछि नामिबिया र नेदरल्यान्ड्ससँग नै टि२०आई सिरिज खेल्दैछ । त्यसपछि टोलीले हङकङमा ४ देश सम्मिलित टि२०आई सिरिज र अप्रिलमा ओमानमा एसीसी प्रिमियर टि२० कप पनि खेल्ने तालिका छ ।

यसबारे प्रशिक्षक मोन्टी देशाइसँग गरिएको कुराकानी यसप्रकार छ :