काठमाडौं (हाम्रो खेलकुद) – क्यानडाले नेपालविरुद्ध जारी ओडीआई सिरिजको तेस्रो खेलमा मध्यम सुरुवात गरेको छ ।

टस हारेपछि पहिलो ब्याटिङको निम्तो पाएको क्यानडाले १६ ओभरमा २ विकेट गुमाएर रन जोडेको छ । नेपालका लागि युवा बलरद्वय हेमन्त धामी र आकाश चन्दले विकेट लिए । क्रिजमा नवानित धलिवाल २९ रन र निकोलस किर्तन १ रन जोड्दै खेलिरहेका छन् ।

आरोन जोन्सन ४ रन जोड्दै डेब्यु गरिरहेको हेमन्तको शिकार बनेका थिए । ठूलो सट खेल्ने धुनमा एज लाग्दै उनी थर्ड म्यानमा देवको हातबाट समातिए । श्रीमन्थ विजयरत्ने २२ रन जोड्दै आकाश चन्दको शिकार बने ।

नेपालले आजको खेलमा ४ परिवर्तन गरेको छ । पछिल्लो खेलबाट सूर्य तामाङ, रिजन ढकाल, सोमपाल कामी र आसिफ शेख टोलीबाट बाहिर हुँदा आरिफ शेख, ललित नारायण राजवंशी र कुशल भुर्तेल टोलीमा फर्केका छन् । हेमन्त डेब्यु गर्दैछन् ।

नेपालको प्लेइङ ११: रोहित पौडेल (कप्तान), अनिल शाह, कुशल मल्ल, देव खनाल, आरिफ शेख, पवन सर्राफ, आकाश चन्द, हेमन्त धामी, कुशल भुर्तेल, ललित नारायण राजवंशी, भीम सार्की

बेन्च : सुर्य तामाङ, रिजन ढकाल, सोमपाल कामी, आसिफ शेख

क्यानडाको प्लेइङ ११ : आरोन जोन्सन, नवानित धलिवल, निकोलस किर्तन, डिलोन हेलिगर, हर्ष ठाकर, साद बिन जाफर (कप्तान), श्रेयास मोभा, उदय भगवान सिंह, श्रीमन्थ विजयरत्ने, डिलोन हेलीगर, निखिल दत्त