default_image

2 months ago

February 18, 2024

नेपाल ‘ए’ माथि क्यानडाको जित

काठमाडौं (हाम्रो खेलकुद) – क्यानडा-११ ले नेपाल ‘ए’ माथि एकदिवसीय सिरिजको पहिलो खेलमा ४ विकेटको जित निकालेको छ । नेपालले प्रस्तुत गरेको २ सय १७ रनको लक्ष्य क्यानडाले अन्तिम ओभरको तेस्रो बलमा चौका प्रहार गर्दै पूरा गर्यो । ६ विकेट गुमाएको क्यानडाका लागि नवानित धलिवल र निखिल दत्तले अर्धशतक प्रहार गरे । निखिल ६७ रनमा […]

3539 views

0 Bookmark

काठमाडौं (हाम्रो खेलकुद) – क्यानडा-११ ले नेपाल ‘ए’ माथि एकदिवसीय सिरिजको पहिलो खेलमा ४ विकेटको जित निकालेको छ ।

नेपालले प्रस्तुत गरेको २ सय १७ रनको लक्ष्य क्यानडाले अन्तिम ओभरको तेस्रो बलमा चौका प्रहार गर्दै पूरा गर्यो । ६ विकेट गुमाएको क्यानडाका लागि नवानित धलिवल र निखिल दत्तले अर्धशतक प्रहार गरे ।

निखिल ६७ रनमा नटआउट रहे । संयमित इनिङ खेलेका उनले १ सय १५ बलमा ५ चौका र १ छक्का प्रहार गरे । श्रेयास मोभाले २७ बलमा २ चौकासहित २३ रन जोड्दै साथ दिए ।

तेस्रो ओभरमा सृमन्थ विजयरत्ने प्रतिश जिसीको बलमा मिड अनमा क्याच आउट भए । ११ बलमा ५ रन जोड्दै उनी मयन यादवबाट क्याच भएका थिए ।

चौथो ओभरमा आरोन जोन्सन राशीद खानको बलमा क्याच आउट भए । उनले ५ बलमा २ रन जोडे । त्यसपछि दिलप्रित बज्वा र नवानित धलिवलले ३७ रनको साझेदारी गरेका थिए ।

दशौं ओभरमा साहब आलमले लगातार दुई विकेट लिँदै क्यानडालाई दबाबमा राखे । आफ्नो पहिलो ओभरको चौथो बलमा दिलिप्रितलाई एलबीडब्लु धरापमा पारेका उनले अर्को बलमा हर्ष ठाकरलाई बोल्ड गरे । दिलप्रितले ८ रन जोडे ।

पाँचौ विकेटका लागि धलिवल र निखिलले ७५ रनको साझेदारी गरे । सगर ढकालको बलमा क्याच आउट हुनुअघि धलिवलले ८० रन जोडे । उनले ७६ बलमा १० चौका र २ छक्का प्रहार गरे ।

त्यसपछि साद बिन जफर र निखिलले ५४ रनको साझेदारी गरे । सादले बसिरको बलमा बोल्ड हुनुअघि ४३ बलमा २३ रन जोडे ।

त्यसअघि मुलपानी क्रिकेट मैदानमा टस हारेपछि पहिलो ब्याटिङको निम्तो पाएको नेपालले निर्धारित ५० ओभरमा ८ विकेट गुमाएर २ सय १६ रन जोड्यो । नेपालका लागि बसिर अहमदले सर्वाधिक ५० रन जोडे । तेस्रो नम्बरमा आएका राशिद खानले ४० रनको योगदान दिए ।

त्यसअघि मुलपानी क्रिकेट मैदानमा टस हारेपछि पहिलो ब्याटिङको निम्तो पाएको नेपालले निर्धारित ५० ओभरमा ८ विकेट गुमाएर २ सय १६ रन जोड्यो । नेपालका लागि बसिर अहमदले सर्वाधिक ५० रन जोडे । तेस्रो नम्बरमा आएका राशिद खानले ४० रनको योगदान दिए ।

बसिरले अन्तिम बलमा अर्धशतक पूरा गरेका थिए । उनले ५५ बलमा ३ चौका र १ छक्का प्रहार गरेका थिए । साहब आलम २ रनमा नटआउट रहे ।

ओपनरद्वय अर्जुन कुमाल र मयन यादवले पहिलो विकेटका लागि ४३ रनको साझेदारी गरेका थिए । आठौं ओभरको पाँचौ बलमा अर्जुन क्यानडाका कप्तान साद बिन जफरबाट क्याच आउट भए । उनले १४ बलमा ४ रन जोडे ।

पहिलो विकेट खसेपछि भने नेपालको रनगति रोकिएको थियो । १५ औं ओभरमा टिमको स्कोर ५१ रन हुँदा मयन यादव आउट भए । हर्ष ठाकरले मयनलाई कट बिहाइन्ड गराए । उनले ५६ बलमा ४ चौका र १ छक्कासहित ३५ रन जोडे ।

त्यसपछि कप्तान विनोद भण्डारी १८ औं ओभरमा आउट भए । उनी विपक्षी कप्तान सादको बलमा एलबीडब्लू आउट भए । उनले ११ बलमा १ चौकासहित ५ रन बनाए ।

सन्दीप जोरा २४ औं ओभरमा पेभेलियन फर्किए । २५ बलमा २ चौकासहित १४ रन जोडेका उनी शहिद अहमदजाईको बलमा लङ अनमा क्याच आउट भए ।

तेस्रो नम्बरमा ब्याटिङ गर्न आएका राशीद खानले ६६ बलमा ५ चौकासहित ४० रन जोडे । उनी ३४ औं ओभरमा सादकै बलमा बोल्ड भए । किरण ठगुन्नाले डिलोन हेलिगरको बलमा क्याच आउट हुनुअघि २५ रन बनाए । ३२ बलको सामना गर्दै उनले ३ सुन्दर चौका प्रहार गरे ।

त्यसपछि विवेक र बसिरले ७४ बलमा ५९ रनको साझेदारी गरे । विवेकले ३४ बलमा १ चौका र १ छक्कासहित २१ रन बनाए । उनी सर्ट थर्ड म्यानमा क्याच आउट भए । प्रतिश जिसी ३ बलमा ४ रन जोड्दै मिडविकेटमा क्याचआउट भए ।

क्यानडाका लागि कप्तान सादले १० ओभरमा ३० रन खर्चेर ३ विकेट लिए । इश्वरजोत सोधीले २ तथा डिलोन हेलीगर, हर्ष ठाकर र सहिद अहमदजाईले १-१ विकेट हात पारे ।

मुलपानी क्रिकेट मैदानमा क्यानडाका कप्तान साद बिन जफरले टस जितेर पहिलो फिल्ड गर्ने निर्णय लिएका थिए । नेपालको लागि कप्तान विनोद भण्डारी रहेका छन् ।

नेपालले यू१९ टोलीका ओपनर अर्जुन कुमाललाई ओपनरमा खेलाउँदा मधेश प्रदेशका मयन यादव उनको साथमा आएका थिए । त्यस्तै राशीद खान तेस्रो नम्बरमा आएका थिए ।

नेपालको प्लेइङ११ : विनोद भण्डारी (कप्तान), अर्जुन कुमाल, बसीर अहमद, विवेक यादव, किरण ठगुन्ना, मयन यादव, प्रतिश जिसी, राशीद खान, सागर ढकाल, शाहब आलम, सन्दीप जोरा

बेन्च : शेर मल्ल, रिजन ढकाल, सुजन थपलिया, हेमन्त धामी

क्यानडा : आरोन जोन्सन, नवनित धलिवल, डिलोन हेलिगर, दिलप्रित बज्वा, हर्ष ठाकर, साद बिन जफर (कप्तान), सहिद अहमदजाई, श्रेयास मोभा, सृमन्थ विजयरत्ने, इश्वरजोत सोहि, निखिल दत्त

बेन्च: निकोलस किर्तन, पर्गत सिंह, उदय भगवान सिंह, कालिम साना

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.