default_image

3 weeks ago

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

418 views

0 Bookmark

सुमन अधिकारी,बुटवल

नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् ।

जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर क्रिकेट एकेडेमी कास्कीलाई २ विकेटले हरायो।
दोस्रो खेलमा धनगढीले न्यु होराईजन स्पोर्टस क्लब, बुटवललाई २१ रनले पराजित गरेको हो ।

रुपन्देहीको तिलोत्तमा निमार्णाधिन एक्स्ट्रा टेक ओभल अन्तराष्ट्रिय क्रिकेट मैदान भैरहेको प्रतियोगिताको दिनको पहिलो खेलमा टस हारेको सेन्टर क्रिकेट एकेडेमी कास्कीले व्याटिङको निम्तो पाएको थियो । जसमा कास्कीले क्रिकेट एक्सलेन्स सेन्टर, काठमाण्डौलाई जितका लागि ९७ रनको लक्ष्य दिएको थियो । आफुले पाएको लक्ष्य काठमाडौंले ८ विकेटको क्षतिमा सहजै पूरा गर्यो ।

कास्कीले जोय गुरुङको २३, करण पंगेनीको १९, सरोज खत्रीको १५ तथा रुपेश थापाको १० रनको मद्दतमा २५ ओभरमा सबै विकेट गुमाउदै ९६ रन बनाएको थियो । कास्कीलाई ९६ रनमा समेट्ने क्रममा सिइसीका समिर विष्ट, समित बुढा र सन्नी शाहले समान २ विकेट लिएका हुन् ।

जितका लागि ९७ रनको लक्ष्य सिइसी, काठमाडौले ८ विकेटको नोक्सानीमा लक्ष्य भेटाएको थियो । उसका लागि बिरेन्द्रले १९, हेमराज सापकोटाले १६ तथा समिर बिष्टले १६ रन जोडे। सिइसीका समिर विष्ट म्यान अफ दी म्याचबाट पुरस्कृत भए ।

दोस्रो खेलमा टस जितेर ब्याटिङ रोजेको धनगढी सबै विकेट गुमाउदै ७३ रनमा समेटिएको थियो । उसका लागि अशोक धामीले ११ रनबाहेक अन्य ब्याटरले दोहोरो रन बनाउन सकेनन्। धनगढीलाई सस्तोमा समेट्ने क्रममा न्यु होराईजनका सुरज खड्काले ४, सन्तोष यादव, निर्मल गुरुङ र बिपर्सन केसीले समान २ लिएका थिए ।

जितका लागि ७४ रनको झिनो लक्ष्य पछ्याएको न्यु होराईजन मात्र ५२ रनको स्कोरमा अल आउट हुन पुग्यो । उसका लागि अन्कित बिएमले २३ रनबाहेक अन्य ब्याटरले दोहोरो अंक जोड्न सकेनन ।

धनगढीका जिताउने क्रममा सौर्य श्रेष्ठले ४, सचिन मल्ल र अशोक धामीले समान २ विकेट लिए । खेलमा धनगढीका सौर्य श्रेष्ठ म्यान अफ दी म्याचबाट पुरस्कृत भए ।

शुक्रबार पहिलो खेल धनगढी क्रिकेट क्लब र सेन्टर क्रिकेट एकेडेमी कास्की तथा दोस्रो खेल सिइसी काठमाण्डौ र न्यु होराईजन स्पोर्ट्स क्लब, बुटवलबीच हुनेछ ।

प्रतियोगिताको लिग चरणका खेलहरु २५ ओभर तथा सेमिफाईनल र फाइनल खेल ४० ओभरको खेलाउने प्रतियोगिताका संरक्षक शक्ति गौचनने बताएका छन् । प्रतियोगिताको उपाधि विजता टिमले ५० हजार र दोस्रो टोलीले २५ हजार रुपैयाँ, कप, मेडल, प्रमाणपत्र प्राप्त गर्नेछ।

प्रतियोगितामा स्टार क्रिकेट एकेडेमी, बोस्टन क्रिकेट क्लब, बिएमडब्लु बेष्ट्रन क्रिकेट एकेडेमी, मदन भण्डारी स्पोर्ट्स एकेडेमी, पल्सर सिइसी काठमाडौ, डिष्ट्रिक एशोसियसन अफ कास्की, डिसिए धनगढी र न्यु होराईजन स्पोर्ट्स क्लब, बुटवल गरि ८ टोलीको सहभागिता छ । प्रतियोगिताको फाइनल चैत २० गते हुने छ ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.