3 months ago
April 13, 2024
मस्कट (हाम्रो खेलकुद) – मलेसियाले ओमनमा जारी एसिसि प्रिमियर कपमा पहिलो जित दर्ता गरेको छ । पहिलो खेलमा नेपाल विरुद्ध पराजित मलेसियाले दोस्रो खेलमा साउदी माथि १२ रनको जित दर्ता गरेको हो ।
मलेसियाले दिएको १४७ रनको मध्यम लक्ष्य पछ्याएको साउदी अरबले १९.१ ओभरमा अलआउट हुदै १३४ रन मात्र बनाउन सक्यो ।
साउदी अरबका लागि वाजी उल हसनले २९ बलमा २ चौका र २ छक्का सहित सर्वाधिक ४० रन बनाए । यस्तै अब्दुल वाहिदले २६ बलमा ३२ रन जोडे । उसमान खालिदले १८ तथा हिशाम शाइखले १४ रन जोडे । अन्य ब्याटरले दोहोरो अंक समेत छुन सकेनन् ।
मलेसियाका लागि कप्तान भिरनदिप सिंहले ३ तथा विजयी उन्नी, खिजार हायत र मुहम्मद आमिरले २-२ विकेट लिए । पवनदिप सिंहले १ विकेट लिए ।
त्यसअघि टस जितेर ब्याटिङ रोजेको मलेसियाले निर्धारित २० ओभरमा ७ विकेट गुमाएर १४६ रन जोडेको थियो । मलेसियाका लागि अकिल वाहिद ४६ बलमा ७ चौका र २ छक्का सहित सर्वाधिक ६५ रन बनाए । शर्भिन मुनियाण्डीले २२ तथा विजयी उन्निले २० रन जोडे । मुहम्मद आमिरको १५ रनको योगदान रह्यो ।
साउदी अरबका लागि उसमान नजिबलिए ३ तथा इशतियाक अहमद, अहमद राजा, वाजी उल हसन र हिशाम शाइखले १-१ विकेट लिए ।
समूह ए मा रहेको मलेसियाको २ खेलमा २ अंक भएको छ । नेपाल २ खेलमा ४ अंक सहित शीर्ष स्थानमा छ । हंगकंगको १ खेल।ए २ अंक छ । साउदी अरब र कतार अंकविहिन छन् ।
समूह बी मा युएई, कुवेत, ओमान, बहराइन र कम्बोडिया रहेका छन् । हारेको समूहको शीर्ष दुई टोली सेमिफाइनलमा पुग्ने छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]