default_image

4 weeks ago

April 20, 2024

लुम्बिनी तेस्रो जितसहित शीर्षस्थानमा कायम

248 views

0 Bookmark

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ।

लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए।

जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र ८८ रनमा अल आउट हुँदै ५० रनको हार बेहोर्न बाध्य भयो।

कमजोर ब्याटिङ प्रदर्शन नै हारको कारण बन्यो। टप र मिडल अर्डरका खेलाडीहरूले निराशाजनक प्रदर्शन गरे। ३६ रनको स्थितिमा कोशीले ६ विकेट गुमाईसकेको थियो।

यसपछि आठौं क्रमका समिर कार्कीले सर्वाधिक २३ रन र सौजन घिमिरेले १६ रन बनाए। कप्तान अंकित सुवेदीले ११ रन जोडे। यी तीन बाहेक अन्य कुनैपनि खेलाडीले दोहोरो रन छुन सकेनन्।

कोशीलाई ८८ रनमा रोक्न देव, अभिषेक गौतम र नर सार्कीले २/२ विकेट झारे। यस्तै निर्मल गुरूङ र कृष्ण कार्कीले एक एक विकेट लिए।

माथिल्लो मुलपानी मैदानमा त्यसअघि पहिले ब्याटिङ गरेको लुम्बिनी प्रदेशले २० ओभरमा ८ विकेट गुमाउँदै १ सय ३८ रन बनायो।

पहिलो विकेटको लागि ४३ रनको साझेदारी गर्ने क्रममा मृनाल गुरूङले कप्तान देवलाई साथ दिए। मृनाल मात्र ६ रनमा आउट भए। लगतै नर विना रन दीपेश कँडेलको बलमा बोल्ड आउट भए।

देव भने ४५ रन जोडी तेस्रो विकेटको रूपमा पबिलियन फर्किए। उनले २२ बलको सामना गर्दै ६ चौका र २ छक्का प्रहार गरे। त्यसपछि दिलसाद अलिले १७ रन बनाउँदा विराट भण्डारी नटआउट १६ रनमा क्रिजमा रहे। आकाश त्रिपाठी र सुनिल भण्डारीले समान १४ रन बटुले।

बलिङमा दीपेश कँडेलले २ तथा फिर्दोष अन्सारी, श्रवण यादव, अंकित सुवेदी, सौजन घिमिरे र ज्ञानेन्द्र श्रेष्ठले १/१ विकेट लिए।
४ खेलमा तेस्रो जितसहिय लुम्बिनी अंक तालिकाको शीर्षस्थानमा कायमै रहेको छ। कोशी प्रदेशको भने यो लगातार दोस्रो हार हो।

प्रतियोगिता अन्तर्गत भोलि कोशी र सुदूरपश्चिम तथा कर्णाली र मधेश प्रदेशबीच प्रतिस्पर्धा हुनेछ।

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

May 19, 2024

पञ्जाबलाई हराउँदै हैदराबाद दोस्रो स्थानमा

एजेन्सी – लिग चरणको आफ्नो अन्तिम खेलमा जित दर्ता गर्दै सनराईजर्स हैदराबाद इंडियन प्रिमियर लिग (आईपिएल) को तालिकाको दोस्रो स्थानमा उक्लिएको छ । पञ्जाब विरुद्ध ४ विकेटको जित दर्ता गर्दै हैदराबाद दोस्रो स्थानमा उक्लिएको हो । पञ्जाबले दिएको २१५ रनको विशाल लक्ष्य हैदराबादले ५ बल बाँकी छँदा ६ विकेट गुमाएर भेटायो । हैदराबादका लागि अभिषेक […]

Success

Thank you for your time.