3 months ago
May 12, 2024
काठमाडौँ (हाम्रो खेलकुद) – शनिवार भएको पहिलो खेलमा विजयी सुरुवात गरेको ललितपुर मेयर्स-११ ललितपुर मेयर्स कप २०८१ महिला क्रिकेट प्रतियोगितामा दोस्रो खेलमा भने पराजित भएको छ । वर्षाले प्रभावित खेलमा ललितपुर सुदुरपश्चिम प्रदेश विरुद्ध डकवर्थ-लुइस-स्टाइन पद्दतिका आधारमा १६ रनले पराजित भएको हो ।
सुदुरपश्चिम प्रदेशले दिएको १२३ रनको लक्ष्य पछ्याएको ललितपुरले ११ ओभरमा २ विकेटको क्षतिमा ४५ रन बनाएको अवस्थामा वर्षाले खेल प्रभावित भएको थियो । त्यसपछि भने लगतार वर्षाका कारण खेल सुचारु हुन नसकेपछि ललितपुर पराजित हुन पुग्यो ।
डकवर्थ-लुइस-स्टाइन पद्दतिका अनुसार ११ ओभरमा ललितपुरका लागि लक्ष्य ६२ रन रहेको थियो । तर ललितपुरले ४५ रन बनाउँदा खेल पुनः सुरु हुन नसकेपछि ललितपुर पराजित हुन पुग्यो । ललितपुरका कप्तान पुजा महतो १४ र सरस्वति जिएम १२ रनमा अविजित रहे । ओपनरद्वय लक्ष्मी चौधरी र सना प्रभिन क्रमशः १० र ६ रन बनाएर आउट भएका थिए ।
सुदुरका जानकी थापा र ऋतु कनोउजियाले समान १-१ विकेट लिएका थिए ।
टस हारेर पहिला ब्याटिङ गरेको सुदुरपश्चिम प्रदेशले निर्धारित २० ओभरमा क्षतिमा १ सय २२ रन जोड्यो । सुदुरका लागि कप्तान बिन्दी रावलले २८ बलमा ३ चौका सहित सर्वाधिक ३० रन बनाइन् । यस्तै कविता जोशीले २० बलमा २ छक्का प्रहार गर्दै २५ रनमा अविजित रहिन् ।
सावित्री धामीले १७, लक्ष्मी साउदले १५ तथा सम्झना खड्काले १३ रनको योगदान गरिन् ।
ललितपुर मेयर्स कपमा आज दिनको १:३० बजे नेपाल एपिएफ क्लब र कोशी प्रदेश भिड्ने तालिका रहेको छ ।
प्रतियोगितामा ५ टोलीले सिंगल राउण्ड रोबिनमा खेल्नेछन् । शीर्ष २ टोलीले अर्को शनिबार हुने फाइनलमा खेल्नेछन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]