default_image

1 month ago

June 21, 2024

अष्ट्रेलियाको बंगलादेशविरुद्ध जित

873 views

0 Bookmark

एजेन्सी – आइसिसी टि-२० विश्वकप अन्तर्गत सुपर एट को आफ्नो पहिलो खेलमा अष्ट्रेलियाले बंगलादेश माथि जित हात पारेको छ । एन्टिग्वामा वर्षाले प्रभावित खेलमा अष्ट्रेलियाले डकवर्थ-लुइस पद्धति अनुसार २८ रनको जित हार पारेको थियो ।

बंगलादेशले दिएको १४० रनको लक्ष्य पछ्याउने क्रममा अष्ट्रेलिया ११.२ ओभरमा २ विकेटको क्षतिमा १०० रनको अवस्थामा हुँदा खेल वर्षाका कारण रोकिएको थियो । त्यसपछि पुनः खेल सुचारु हुन नसकेपछि अष्ट्रेलियाले २८ रनको जित हासिल गरेको हो ।

वर्षाले खेल प्रभावित हुनुअघि अष्ट्रेलियाका डेविड वार्नर ३५ बलमा ५ चौका र ३ छक्का सहित ५३ रनमा अविजित थिए । अर्कोतर्फ ग्लेन म्याक्सवेल ६ बलमा २४ रन बनाएर खेलिरहेका थिए । ट्राभिस हेड ३१ र मिचेल मार्श १ रन बनाएर आउट भएका थिए ।

अष्ट्रेलियाको दुई विकेट रिशाद होसेनको नाममा रहेको थियो ।

त्यसअघि टस हारेर ब्याटिङ गरेको बंगलादेशले निर्धारित २० ओभरमा ८ विकेट गुमाएर १४० रन बनाएको थियो । बंगलादेशका लागि नजमुल हसन शान्टोले सर्वाधिक ४१ रन बनाएका थिए भने टोहिद हृदोयले ४० रन जोडेका थिए । ओपनर लिटन दासले १६ र तासकिन अहमदले १३ रन बनाए । अन्य ब्याटर भने चल्न सकेनन् ।

अष्ट्रेलियाका लागि प्याट कमिन्सले ह्याट्रिक सहित ३ विकेट लिए । उनले १८औं ओभरको अन्तिम दुई बल र २०औं ओभरको पहिलो बलमा विकेट लिँदै ह्याट्रिक पूरा गरेका थिए । यस्तै एडम जाम्पाले २ तथा मिचेल स्टार्क, मार्कस स्टोइनिस र ग्लेन म्याक्सवेलले समान १-१ विकेट लिए ।

सुपर एट चरण अन्तर्गत आज बेलुका ८:१५ बजे इङ्ल्यान्ड र दक्षिण अफ्रिका भिड्ने छन् ।

July 23, 2024

आइसीसी निर्णयले नेपालको विश्वकप यात्रा सहज

काठमाडौं (हाम्रो खेलकुद) – अन्तर्राष्ट्रिय क्रिकेट परिषद (आइसीसी) को सोमबार बसेको बोर्ड बैठकले महिला तथा पुरुष विश्वकपको छनोट प्रतियोगितामा गरेको परिवर्तनले नेपाललाई केही सहज हुने देखिएको छ । आइसीसीले सन् २०२६ मा हुने आइसीसी मेन्स टि२० विश्वकपका लागि क्षेत्रीय छनोटबाट विश्वकप पुग्ने ८ टोलीको छनोट प्रक्रियामा थोरै परिवर्तन गरेको छ । जसअनुसार अब युरोप र […]

July 23, 2024

 नेपाल र भारत भिड्दै 

काठमाडौँ (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा आज नेपाल भारत विरुद्ध खेल्दैछ । खेल नेपाली समय अनुसार बेलुका ७:१५ बजे श्रीलंका स्थित दाम्बुला स्टेडियममा सुरु हुनेछ । १-१ खेल बाँकी रहँदा समूह ए मा नेपाल र पाकिस्तानको समान २-२ अंक छ । भारतले २ खेल जितिसकेको छ । युएईले […]

July 21, 2024

नेपाल पाकिस्तानसँग पराजित

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको आफ्नो दोस्रो खेलमा नेपाल पाकिस्तान विरुद्ध ९ विकेटले पराजित भएको छ । प्रतिस्पर्धात्मक लक्ष्य पाएको पाकिस्तानले लक्ष्य १ विकेट गुमाएर पुरा गरेको हो । नेपालले दिएको १०९ रनको लक्ष्य पाकिस्तानले ११.५ ओभरमा पुरा गर्यो । पाकिस्तानका लागि ओपनर गुल फेरोजाले ३५ बलमा १० […]

Success

Thank you for your time.