एजेन्सी – भारतविरुद्धको पहिलो टि ट्वान्टीमा श्रीलंकाले टस जितेर पहिले फिल्डिङ रोजेको छ। ३ टि-ट्वान्टीको सिरिजको पहिलो खेल श्रीलंकाको पाल्लेकेलेमा सुरु हुँदैछ ।

खेल नेपाली समय अनुसार साँझ सबा ७ बजे सुरु हुनेछ।
टि ट्वान्टी विश्वकपको उपाधि जितेपछि भारतीय कप्तान रोहित शर्मा, विराट कोहली र रविन्द्र जडेजाले टि ट्वान्टी आईबाट सन्न्यास लिएका थिए। सूर्यकुमार यादव भारतीय टि ट्वान्टी टोलीको नयाँ कप्तान नियुक्त भएका छन्।

श्रीलंकाले चरिथ असालंकालाई वानिन्दु हसारंगाको स्थानमा कप्तानीको जिम्मेवारी दिएको छ । दुवै टोली नयाँ प्रशिक्षकका साथ उत्रदै छन् । भारतीय टोलीमट गौतम गम्भीर र श्रीलंकाली टोलीमा सनथ जयसूर्या प्रशिक्षक छन् ।

भारतले सन् २०२४ को टि-ट्वान्टी विश्वकप जितेर आइसिसी ट्रफीको लामो खडेरीको अन्त्य गरेको थियो ।

त्यसपछि भारतले जिम्बाब्वेमा दोस्रो राजाईको टोली पठायो जहाँ उसले ५ खेलको टि-ट्वान्टी आई सिरिज ४-१ ले जित्यो। यसैबीच, श्रीलंकाका खेलाडीहरू लंका प्रिमियर लिगमा व्यस्त थिए जहाँ असालंकाकै कप्तानीमा रहेको जाफना किंग्स च्याम्पियन भएको थियो ।

असालंका र सूर्यकुमार दुवैले यसअघि आफ्नो राष्ट्रिय टोलीको नेतृत्व गरिसकेका छन् । असालंकाले यसै वर्षको सुरुमा बंगलादेशविरुद्ध २ टि-ट्वान्टी र सूर्यकुमारले सन् २०२३ को अन्त्यमा अस्ट्रेलिया र दक्षिण अफ्रिकाविरुद्ध ७ टि-ट्वान्टीमा आफ्नो कप्तानी भुमिका निभाएका थिए ।