11 months ago
August 28, 2024
एजेन्सी – अन्तिम खेलमा अमेरिकामाथि जित निकाल्दै नेदरल्यान्ड्सले घरेलु मैदानमा आयोजित त्रिकोणात्मक टि ट्वान्टी सिरिजको उपाधि जितेको छ ।
सिरिजको छैटौं तथा अन्तिम खेलमा बुधवार अमेरिकालाई ४ रनले पराजित गर्दै नेदरल्यान्ड्स घरमा नै उपाधि राख्न सफल भएको हो ।
नेदरल्यान्ड्सले दिएको १ सय ३३ रनको लक्ष्य पछ्याएको अमेरिकाले १९.१ ओभरमा अल आउट हुदै १ सय २८ रन मात्र बनायो ।
अमेरिकाका आन्द्रेस गौसले २६ बलमा ३ चौका र ३ छक्काको सहयोगमा सर्वाधिक ४२ रन जोडे । ओपनर साईतेजा मुकामुल्लाले १६ बलमा २४, आरोन जोन्सले १३ तथा जसदिप सिंहले १२ रन बनाए ।
एक समय ७५ रनमा २ विकेट गुमाउँदै सहज जित तर्फ अमेरिका अघि बढेको थियो । नियमित रुपमा विकेट गुमाउँदा ५३ रन जोड्दा ८ विकेट गुमायो ।
नेदरल्यान्ड्सका लागि आर्यन दत्तले ३, काइल क्लेन र ड्यानियल डोरमले समान २ तथा पल भान मेकरम र म्याक्स ओडाउडले समान १ विकेट लिए ।
त्यसअघि टस जितेर पहिले ब्याटिङ गरेको नेदरल्यान्ड्सले २० ओभरमा ८ विकेट गुमाएर १ सय ३२ रन जोडेको थियो ।
नेदरल्यान्ड्सका लागि रायन क्लेनले २५ बलमा नट आउट रहँदै सर्वाधिक ३६ रन बनाए । ओपनर म्याक्स ओडाउडले २२ बलमा २७, काइल क्लेनले १४ बलमा १६ तथा विक्रमजित सिंहले १० बलमा १४ रन जोडे ।
अमेरिकाका लागि हरमित सिंहले ३, जसदिप सिंहले २ तथा यासिर मोहम्मद र शाड्ली भानले समान १ विकेट लिए ।
नेदरल्यान्ड्सले सिरिजमा खेलेको ४ मध्ये ३ खेल जितेर अंक तालिकाको शीर्ष स्थानमा रहँदै च्याम्पियन भएको हो । नेदरल्यान्ड्स क्यानडासँग पराजित भएको थियो । अमेरिका र क्यानडाले समान १ बराबरी र १ जित हात पारेका छन् ।
July 11, 2025
काठमाडौं (हाम्रो खेलकुद) – नेपाल क्रिकेट संघ (क्यान) ले च्याम्पियन यु -१६ राष्ट्रिय क्रिकेट टोलीका पुरस्कृत गर्ने भएको । क्यानले शुक्रवार विज्ञप्ति जारी गर्दै एसिसी मेन्स यु-१६ इस्ट जोन कपको च्याम्पियन टोलीका सदस्यलाई जनही ५० हजार रुपैयाँले पुरस्कृत गर्ने जनाएको छ । मलेसियामा भएको प्रतियोगिताको फाइनलमा शनिवार सिंगापुरलाई २ विकेट हराउँदै नेपाल च्याम्पियन बनेको थियो […]
July 11, 2025
एजेन्सी – आयरल्याण्डका अलराउन्डर कर्टिस क्याम्फर व्यावसायिक क्रिकेटमा ५ बलमा ५ विकेट लिने पहिलो खेलाडी बनेका छन् । उनले आयरल्याण्डमा जारी अन्तर-प्रान्तीय टि ट्वान्टी ट्रफीमा नर्थ-वेस्ट वारियर्स विरुद्ध मुन्स्टर रेड्सका लागि यो उपलब्धि हासिल गरे । उनले २.३ ओभरमा १६ रन दिएर ५ विकेट लिए । रेड्सका कप्तान क्याम्फरले आफ्नो दोस्रो र तेस्रो ओभरमा ५ […]
July 10, 2025
एजेन्सी – घरेलु टोली इङ्ग्ल्याण्डले भारतविरुद्ध तेस्रो टेस्टमा मध्यम सुरुवात गरेको छ । लड्समा टस जितेर पहिले ब्याटिङ गरिरहेको इङ्ग्ल्याण्डले पहिलो दिनको खेल सकिँदा ४ विकेट गुमाएर २ सय ५१ रन बनाएको छ । घरेलु टोलीका जो रुट ९९ रन र कप्तान बेन स्टोक्स ३९ रनमा अविजित छन् । त्यसअघि ओली पोप ४४, ओपनर बेन […]