एजेन्सी – ओपनर पथुम निशंकाले शतक पूरा गरेपछि श्रीलंकाले इङ्ग्ल्यान्डलाई तेस्रो टेस्टमा हराएको छ।

इङ्ग्ल्यान्ड भ्रमणमा रहेको श्रीलंकाले तेस्रो तथा अन्तिम टेस्ट चौथो दिन सोमवार ८ विकेटले जितको हो । यद्दपी ३ टेस्टको श्रृंखला घरेलु टोलीले २-१ ले जितेको छ‌।

२ सय १९ रनको लक्ष्य श्रीलंकाले २ विकेट गुमाएर पूरा गर्यो । टोलीका लागि ओपनर निशंकाले १ सय २४ बलमा नट आउट रहदै १ सय २७ रन बनाए ।

कुशल मेन्डिसले ४९ तथा एन्जेलो म्याथ्युजले नट आउट ३२ रन जोडे । घरेलु टोलीका लागि गस एटकिन्सन र क्रिस वोक्सले समान १ विकेट लिए ।

पहिलो इनिङमा ६२ रनको अग्रता लिएको इङ्ग्ल्यान्डले दोस्रो इनिङमा १ सय ५६ रन मात्र थप्न सक्यो । टोलीका लागि जेम स्मिथले सर्वाधिक ६७ रन जोड्दा ड्यान लरेन्सले ४५, जो रुटले १२ तथा ओली स्टोनले १० रन बनाए ।

इङ्ग्ल्यान्डका अन्य ब्याटरले दोहोरो अंकमा रन जोड्न सकेनन् । पाहुना टोलीका लागि लाहिरु कुमाराले ४, विष्व फर्नान्डोले ३ तथा अशिथा फर्नान्डोले २ विकेट लिए ।

श्रीलंकाले तेस्रो दिनको समाप्तीसम्म ९४ रन जोड्दा १ विकेट गुमाएको थियो । पथुम निशंका र कुशल मेन्डिस नट आउट रहेका छन् ।

पहिलो इनिङमा श्रीलंकाले २ सय ६३ रन बनाएको थियो । टोलीका कप्तान धन्नजय डि सिल्भाले सर्वाधिक ६९ रन जोडे । ओपनर पथुम निशंका र कमान्डु मेन्डिस समान ६४, कुशल मेन्डिस १४, आशिथा फर्नान्डो ११ रन बनाउदै आउट भए ।

घरेलु टोलीका लागि जोस हुल र ओली स्टोनले समान ३, क्रिस वोक्सले २ तथा शोयब बसिरले १ विकेट लिए ।
टस हारेर ब्याटिङको निम्तो पाएको घरेलु टोली कप्तान ओली पोपले शतक बनाए पनि अन्य ब्याटर चल्न नसक्दा पहिलो इनिङमा ३ सय २५ रनमा अलआउट भएको थियो ।

टोलीका लागि यो सिरिजमा कप्तानी सम्हालिरहेका ओली १ सय ५६ बलमा १ सय ५४ रन बनाएका थिए ।
ह्यारि ब्रुकले १९, ओपनर बेन डुकेटले ७९ बलमा ८६, जो रुटले १३ र ड्यान लरेन्सले ५, जेम स्मिथले १६ तथा ओली स्टोन १५ रनमा नट आउट रहेका थिए ।

एक समय २ सय ६१ रनमा ३ विकेट गुमाएर बलियो स्थितिमा रहेको घरेलु टोलीले बाँकी ६४ रन जोड्दा ७ विकेट गुमायो ।

श्रीलंकाका लागि मिलन रत्नायकेले ३, लाहिरु कुमारा, विष्व फर्नान्डो र धन्नजय डि सिल्भाले समान २ तथा आसिथा फर्नान्डोले १ विकेट लिए ।