11 months ago
December 28, 2024
एजेन्सी – अस्ट्रेलियासँगको चौथो टेस्टको पहिलो इनिङमा तल्लोक्रमका ब्याटर नितिश कुमार रेड्डीको शतकमा भारत फलोअनबाट बचेको छ ।
मेलवर्न क्रिकेट स्टेडियममा जारी टेस्टमा भारत पहिलो इनिङमा घरेलु टोलीविरुद्ध फलोअन हुनबाट बचेको हो । तेस्रो दिनको शनिवार खेल सकिदा भारतले ९ विकेट गुमाएर ३ सय ५८ रन जोडेको छ । भारत १ सय १६ रनले पछि छ ।
भारतले ५ विकेट गुमाएर १ सय ६४ रनमा तेस्रो दिनको खेल सुरुवात गरेको थियो । आठौं विकेटका लागि वासिटंन सुन्दर र रेड्डीले १ सय २७ रनको शतकीय साझेदारी गरे पछि भारत फलोअन हुनबाट जोगिएको हो ।
सुन्दर १ सय ६२ बलमा ५० रनमा आउट हुँदा रेड्डी १ सय ७६ बलमा १ सय ५ रनमा नट आउट छन् । रेड्डीसँगै २ रन बनाएका मोहम्मद सिराज क्रिजमा छन् ।
ऋषभ पन्त २८ र रविन्द्र जडेजा १७ रनमा आउट भए । ओपनर यसश्वी जैसवालले ८२ रन जोड्दा अर्का ओपनर तथा कप्तान रोहित शर्माले ३ रन मात्र जोड्न सके ।
विराट कोहली ३६, केएल राहुल २४ रनमा आउट हुँदा आकाश दिपले रनको खाता नै खोल्न सकेनन् ।
अस्ट्रेलियाका लागि कप्तान प्याट कमिसं र स्कट बोल्याण्डले समान ३ तथा नाथन लायनले २ विकेट लिए ।
त्यसअघि टस जितेर ब्याटिङ गरेको अस्ट्रेलिया पहिलो इनिङमा ४ सय ७४ रनमा बनाएको थियो । टोलीका स्टिभ स्मिथले सर्वाधिक १ सय ४० रन जोडेका थिए ।
बोर्डर गवास्कर ट्रफी टेस्ट सिरिज १-१ को बराबरीमा छ। पहिलो टेस्ट भारतले २ सय ९५ रनले जितेको थियो।अस्ट्रेलियाले दोस्रो टेस्ट १० विकेटले जितेको थियो । तेस्रो टेस्ट बराबरीमा सकिएको थियो।
November 18, 2025
काठमाडौं (हाम्रो खेलकुद)- नेपाल प्रिमियर लिग (एनपिएल) को दोस्रो सिजनमा विराटनगर किंग्सले सनादार सुरुवात गरेको छ। विराटनगरले पोखरा एभेन्जर्सलाई ५३ रनले पराजित गर्दै विजयी सुरुवात गरेको हो। विराटनगरको जितमा लोकेश बम र मार्टिन गप्टिलले शतकीय साझेदारी गरे। जितको लागि २ सय २१ रनको लक्ष्य पछ्याएको पोखरा १८ .५ ओभरमा अलआउट हुँदै १ सय ६७ रनमा […]
November 18, 2025
काठमाडौं (हाम्रो खेलकुद)- दोस्रो नेपाल प्रिमियर लिग (एनपिएल) मा विराटनगर किंग्सले पोखरा एभेन्जर्सबीलाई २ सय २१ रनको कीर्तीमानी चुनौती दिएको छ। एनपिएलमा कुनै टोलीले बनाएको यो सर्वाधिक योगफल हो। विराटनगरको लागि लोकेश बम र मार्टिन गप्टिलले शतकीय साझेदारी गरे। पोखरले टस जितेर बलिङ गर्ने निर्णय गरेपछि विराटनगरले २० ओभरमा ६ विकेट गुमाउँदै एनपिएलकै सर्वाधिक २ […]
November 18, 2025
काठमाडौं (हाम्रो खेलकुद)- विराटनगर किंग्स र पोखरा एभेन्जर्सबीचको खेल हुँदैछ। टस जितेर पोखरले टस जितेर बलिङ गर्ने निर्णय गरेको छ। पोखरा र विराटनगर दुवैसँग गत संस्करण प्ले अफमा पुग्न नसकेको तीतो अनुभव रहेको छ। त्यसैले दुबै टोली जितबाट यो सिजनको सुरुवात गर्ने दाउमा रहनेछन्। विराटनगर स्टार खेलाडी सन्दीप लामिछानेको कप्तानीमा हुनेछ। पोखरा कुशल भुर्तेलको कप्तानीमा […]
