काठमाडौं(हाम्रो खेलकुद) – जय ट्रफी दुईदिवसीय मेन्स एलिट कपको पहिलो दिनका खेलहरु सकिएका छन् ।

नेपाल क्रिकेट संघ(क्यान) को आयोजनामा सुरु प्रतियोगिता मधेश प्रदेशमा जनकपुर र विरगंज शहरमा हुदैछ । पहिलो दिनको खेल सकिदा कुनै पनि खेलको अन्तिम नतिजा आएको छैन । आइतवारबाट सुरु भएका दुवै खेलहरुको अन्तिम नतिजा सोमवार मात्र आउने छ ।

तर, पहिलो दिनमा टोलीहरुले गरेको प्रदर्शनका आधारमा सहभागी सबै टोलीको अंक तालिकामा स्थान तय भएको छ । पहिलो दिनको प्रदर्शनका आधारमा कुन टोली कुन स्थानमा छन् त तल हेर्नु होला :

१) नेपाल पुलिस क्लब (७ अंक)

त्रिभुवन आर्मीविरुद्ध लिएको दश विकेट = पाँच अंक (प्रतियोगिताको नियम अनुसार एक विकेट बराबर सम्बन्धित टोलीले ०.५ अंक पाउने छ ।)
आर्मीविरुद्ध नै बनाएको १ सय ३ रन = दुई अंक (प्रतियोगिताको नियम अनुसार प्रत्येक २५ रन बराबर ०.५ अंक सम्बन्धित टोलीले पाउने छ ।)

२) त्रिभुवन आर्मी क्लब (५.५ अंक)

नेपाल पुलिस क्लबविरुद्ध लिएको सात विकेट = ३.५ अंक(प्रतियोगिताको नियम अनुसार एक विकेट बराबर सम्बन्धित टोलीले ०.५ अंक पाउने छ ।)
नेपाल पुलिस क्लबविरुद्ध बनाएको १ सय २१ रन = २ अंक(प्रतियोगिताको नियम अनुसार प्रत्येक २५ रन बराबर ०.५ अंक सम्बन्धित टोलीले पाउने छ ।)

३) बागमती प्रदेश (५.५ अंक)

मधेश प्रदेशविरुद्ध लिएकोदश विकेट = पाँच अंक(प्रतियोगिताको नियम अनुसार एक विकेट बराबर सम्बन्धित टोलीले ०.५ अंक पाउने छ ।)
मधेश प्रदेशविरुद्ध बनाएको ३४ रन = ०.५ अंक(प्रतियोगिताको नियम अनुसार प्रत्येक २५ रन बराबर ०.५ अंक सम्बन्धित टोलीले पाउने छ ।)

४) मधेश प्रदेश (३ अंक)

बागमती प्रदेशविरुद्ध लिएको दुई विकेट = एक अंक(प्रतियोगिताको नियम अनुसार एक विकेट बराबर सम्बन्धित टोलीले ०.५ अंक पाउने छ ।)

बागमती प्रदेशविरुद्ध बनाएको १ सय २ रन = दुई अंक(प्रतियोगिताको नियम अनुसार प्रत्येक २५ रन बराबर ०.५ अंक सम्बन्धित टोलीले पाउने छ ।)

यसरी तयार हुनेछ अन्तिम अंक तालिका –

• पहिलो इनिङ्समा अग्रता लिएको टोलीले खेल जितेको खण्डमा १० तथा बोनस अंक पाउँने छ ।
• पहिलो इनिङ्समा स्कोर बराबरी भएर खेल जितेको टोलीले ८ तथा बोनस अंक पाउने छ ।
• पहिलो इनिङ्सका आधारमा पछि रहेर खेल जितेको टोलीले ६ तथा बोनस अंक पाउने छ ।
• पहिलो इनिङ्समा अग्रता लिएको टोलीको नतिजा बराबरी भएको खण्डमा ७ तथा बोनस अंक पाउने छ ।
• दुबै इनिङ्स बराबरी भएको खण्डमा दुवै टोलीले समान ५ तथा बोनस अंक पाउने छ ।
• पहिलो इनिङ्समा पछाडि परेको टोलीले नतिजा बराबरी बनाएको खण्डमा ३ तथा बोनस अंक पाउने छ ।
• कुनै टोलीले पहिलो इनिङ्समा खेल जिते भने सो टोलीले ६ तथा बोनस अंक पाउने छ । पहिलो इनिङ्समा नै पराजित टोलीले भने बोनस अंकमात्र पाउने छ ।
• पहिलो इनिङ्समा स्कोर बराबर भएर खेलमा नतिजा ननिस्किएको खण्डमा दुवै टोलीले समान ३ सहित बोनस अंक पाउनेछ ।
• खेल बराबरी वा खेल रद्द भएमा दुवै टोलीले १ तथा बोनस अंक पाउनेछ ।
• पहिलो इनिङ्समा अग्रता लिएको टोली खेलमा हार बेहारेमा ४ तथा बोनस अंक पाउने छ ।
• पहिलो इनिङ्समा स्कोर बराबरी भएर हारेको टोलीले २ तथा बोनस अंक पाउने छ ।
• पहिलो इनिङ्समा अग्रता लिन नसकेको टोलीले खेल हारेको खण्डमा बोनस अंकमा मात्र पाउने छ ।

प्रतियोगिताको खेल तालिका –

जनवरी ५ देखि ६ सम्म

बागमती प्रदेशविरुद्ध मधेश प्रदेश – जनकपुर
नेपाल पुलिसविरुद्ध त्रिभुवन आर्मी क्लब – विरगंज

जनवरी ८ देखि ९ सम्म

त्रिभुवन आर्मी क्लबविरुद्ध बागमती प्रदेश – जनकपुर
मधेश प्रदेशविरुद्ध नेपाल पुलिस क्लब – विरगंज

जनवरी ११ देखि १२ सम्म

नेपाल पुलिस क्लबविरुद्ध बागमती प्रदेश – जनकपुर
त्रिभुवन आर्मी क्लबविरुद्ध मधेश प्रदेश – विरगंज

जनवरी १४ देखि १६ सम्म फाइनल खेल – विरगंज