काठमाडौं(हाम्रो खेलकुद) – आयोजक टाइगर ग्रुप न्यु डायमण्ड स्पोर्टस क्लबलाई हराउँदै टाइगर कप भलिबलमा महिला तर्फको फाइनलमा पुगेको छ ।

पोखरा रंगशाला स्थित भलिबल कोर्टमा शनिवार भएको दोस्रो क्वालिफायर खेलमा न्यु डायमण्डलाई पराजित गर्दै टाइगर पहिलो पटक फाइनलमा पुगेको हो । आयोजकले न्यु डायमण्डलाई ३-१ को सेटमा पराजित गरेको हो ।

पहिलो सेट २५-१६ ले जितेको टाइगरले दोस्रो सेट १९-२५ ले गुमाएको थियो । त्यसपछिका लगातार दुई सेट जित्दै टाइगरले फाइनलमा स्थान पक्का गर्यो । टाइगरले तेस्रो सेट २५-१५ तथा चौथो सेट २५-२३ ले जितेको हो ।

उपाधिका लागि टाइगरले फाइनलमा विभागीय टोली एपिएफ क्लबसँग खेल्नेछ । एपिएफ पहिलो क्वालिफायरमा टाइगर ग्रुपलाई पराजित गरेर फाइनलमा पुगेको थियो । आजैको दोस्रो खेल पुरुषतर्फको दोस्रो क्वालिफायर हुनेछ ।

पुरुषतर्फ दोस्रो क्वालिफायर खेलमा त्रिभुवन आर्मी क्लब र गण्डकी प्रदेशबिच प्रतिस्पर्धा हुँदैछ। आर्मी पहिलो क्वालिफायरमा नेपाल पुलिस क्लबसँग पराजित भएको थियो । गण्डकीले एलिमिनेटरमा भारतको सुनिल भलिबल क्लबलाई पराजित गरेको थियो ।

दोस्रो क्वालिफायरको विजेताले फाइनलमा विभागीय टोली पुलिसको सामना गर्नेछ । महिला र पुरुषतर्फको फाइनल खेल आइतबार हुनेछ ।

प्रतियोगिताको दुवैतर्फको विजेताले ५ लाख ८५ हजार ५ सय ५५ रुपैयाँ, दोस्रो हुनेलाई २ लाख ८५ हजार ५ सय ५५ र तेस्रो हुनेलाई १ लाख ८५ हजार ५ सय ५५ रुपैयाँ प्राप्त गर्नेछ ।