हिमाल खरेल, मेचीनगर

झापाको मेचीनगर–४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताअन्तर्गत आज भएको खेलमा दमक क्रिकेट क्लबलाई २१ रनले पराजित गर्दै थन्डर–११ सेमिफाइनल प्रवेश गरेको छ ।

सरस्वती माविको खेल मैदानमा टस हारेर पहिलो ब्याटिङ गरेको थन्डरले निर्धारित १६ ओभरमा ७ विकेट गुमाउँदै १ सय १४ रन बनाएको थियोे । वर्षाका कारण १६ ओभरको म्याच खेलाइएको थियोे ।

थन्डरका लागि किरात डाँगीले सर्वाधिक ३७ रन बनाए । त्यस्तै, विधान दुलालले १८ ,शिव राजवंशीले १६ र
नित्य खडरियाले १५ रन बनाएका थिए ।

बलिङतर्फ दमकका लागि आनन्द शर्माले सर्वाधिक ३ विकेट लिए । त्यस्तै, रवित राजवंशी र एलिक राईले समान २ आयुष न्यौपानेले १ विकेट लिए ।

१‌ सय‌ १५ रनको विजयी लक्ष्य पछ्याउने क्रममा दमक निर्धारित ओभरमा ९ विकेट गुमाउँदै ९३ रनमा समेटियो ।

दमकका लागि सुरज न्यौपानेले विष्फोटक ब्याटिङ गर्दै सर्वाधिक ३४ रन बनाए । उनले १६ बल खेल्दै ३४ रन बनाएका हुन् ।

त्यस्तै, विजय तामाङले ३२ र नुर अन्जानले १७ रन बनाउनबाहेक अन्य ब्याटरले दोहोरो अंकमा रन बनाउन नसक्दा दमकले हार व्यहोर्न पुग्यो ।

बलिङतर्फ थन्डरका लागि आनन्द शर्माले सर्वाधिक ३ विकेट लिए । रोहित राजवंशी र एलिक राईले समान २, आयुष न्यौपानेले १ विकेट हात पारे ।

३ विकेट लिएका थन्डरका आनन्द शर्मा प्लेयर अफ दि म्याच घोषित भए । उनले १ हजार रुपैयाँ र मायाको चिनो प्राप्त गरे ।

चैत ४ गते हुने फाइनलको विजेताले ५० र दोस्रो हुने टोलीले ३० हजार रुपैयाँ ट्रफी, मेडल र प्रमाणपत्र प्राप्त गर्नेछ ।