सुमन अधिकारी, बुटवल

बुटवल उपमहानगरपालिका खेलकुद विकास समितिको आयोजनामा प्रथम मेयर कप विधालयस्तरिय क्रिकेट प्रतियोगिता आइतवार सुरु भएको छ ।

प्रतियोगिताको उद्घाटन खेल न्यु होराईजनले गार्गी एकेडेमीलाई १ सय ११ रनले हराएको छ। शक्ति गौचनको प्रशिक्षणमा रहेको न्यु होराइजनले टस जितेर पहिले ब्याटिङ गर्दै १४.३ ओभरमा १ सय ४६ रन बनाएको थियो ।

न्यु होराइजनका सिद्धार्थ ढकालले ५२ रनको अर्ध शतकीय इनिङ खेले। अमिर ठकुरीले २०, प्रिन्स पालले १६, संगम पाण्डेले १३ रन बनाए । गार्गीका शिभ्य दलार्मीले ३ तथा अप्सोन जिसी र आयुष कार्कीले समान २ विकेट लिए ।

जितका लागि १ सय ४७ रनको लक्ष्य पछ्याएको गार्गी ७ ओभरमा मात्र ३५ रनमा अलआउट भयो ।

गार्गीलाई सस्तैमा अल आउट गर्ने क्रममा न्यु होराइजनका २ खेलाडी प्रिन्स पाल र सुभम पाण्डेले ह्याट्रिक गरेका छन् । गार्मीका अप्सोन विक्रम जिसीले २७ रन बनाए। ८ खेलाडी शुन्यमा आउट भए ।

बुटवल उपमहानगरपालिका वडा नं. १६ मा रहेको नरैनापुर क्रिकेट मैदानमा सञ्चालन भएको प्रतियोगिताको नगरप्रमुख खेलराज पाण्डेले उद्दघाटन गरे ।

जेठ ९ गते सम्म सन्चालन हुने प्रतियोगितामा संस्थागत १० र सामुदायिक ७ गरि १७ विद्यालयले भाग लिएका छन् । जसमा समुह एमा न्यु होराइजन, गार्गीसहित कालिका मावि,नवरत्न मावि, इन्टेलेक्चुअल एकेडेमी, दीप बोर्डिङ स्कुल, बुटवल इलिट, इडन इंग्लिस बोर्डिङ र गणेश ज्ञान ज्योती पब्लिक छन् ।

समूह बीमा एभरेष्ट इंग्लिस बोर्डिङ स्कुल, बुटवल ग्लोरी, मोतिपुर मावि, कानित मावि, अमर मावि, नविन औद्योगिक मावि, नयाँगाउँ मावि र समित इंग्लिस बोर्डिङ छन् ।

प्रतियोगिताले विजेता ५० हजार र दोस्रो टोलीले ३० हजार रुपैयाँ प्राप्त गर्ने प्रतियोगिता संयोजक सरोज सिहंले बताए ।

प्रतियोगिताकि म्यान अफ द सिरिजले ८ हजार तथा उत्कृष्ट बलर, उत्कृष्ट ब्याटेले समान ५ हजार रुपैया प्राप्त गर्नेछ। प्रतियोगिता नेपाल क्रिकेट संघ(क्यान) रुपन्देहीको प्राविधिक समन्वयमा सञ्चालन गरिएको छ ।