4 weeks ago
June 20, 2025
एजेन्सी – ओपनर यशस्वी जैसवाल र कप्तान शुभमन गिलको शतकको सहयोगमा भारतले घरेलु टोली इङ्ग्ल्याण्डविरुद्धको पहिलो टेस्टमा उत्कृष्ट सुरुवात गरेको छ ।
पहिलो टेस्टको पहिलो दिन शुक्रवार भारतले उत्कृष्ट सुरुवात गरेको हो । पहिलो दिनको खेल सकिदा भारतले ३ सय ५९ रन बनाउँदा ३ विकेट गुमाएको छ । कप्तान गिल शतकमा र उपकप्तान ऋषभ पन्त अर्धशतक बनाएर अविजित छन् ।
त्यसअघि हेडिङ्लीमा घरेलु टोलीले टस जितेर फिल्डिङको निणर्य लिए पछि भारत ब्याटिङमा उत्रिएको थियो । भारतका लागि ओपनर जैसवालले १ सय ५९ बलमा १६ चौका र १ छक्कासहित १ सय १ रन जोडे ।
पहिलो विकेटका लागि जैसवाल र केएल राहुलले ९१ रनको साझेदारी गरे । ओपनर राहुल ७८ बलमा ८ चौकाको साथमा ४२ रनमा आउट भए । तेस्रो नम्बरमा ब्याटिङमा आएका साइ सुदर्शनले ४ बल खेलेर खाता नै खोल्न सकेनन् । साइको यो डेब्यु खेल हो ।
पहिलो पटक चौथो नम्बरमा ब्याटिङमा आएका कप्तान गिल १ सय ७५ बलमा १६ चौका र १ छक्काको साथ १ सय २७ रनमा अविजित छन् । कप्तानको रुपमा गिलको यो पहिलो खेल हो । टोलीका उपकप्तान पन्त १ सय २ बलमा ६ चौका र २ छक्काको साथमा ६५ रनमा अविजित रहेका छन् ।
घरेलु टोलीका लागि कप्तान बेन स्कोक्सले २ तथा बायडेन कार्सले १ विकेट लिए ।
July 19, 2025
काठमाडौं (हाम्रो खेलकुद)- नेपाल प्रिमियर लिग (एनपिएल) टोली कर्णाली याक्सले हिल्टन काठमाडौंसँग हस्पिटालिटी पार्टनरका रुपमा सहकार्य गरेको छ। कर्णाली याक्स स्पोटर्स प्रा.लि र हिल्टन होटल काठमाडौंबीच शनिवार सम्झौता भएको छ । एनपिएलको दोस्रो संस्करणका लागि कर्णाली याक्सको हस्पिटालिटी पार्टनर हिल्टन काठमाडौं हुनेछ । योसँगै प्रतियोगिता दौरान कर्णाली याक्सका खेलाडी तथा अफिसियल नक्सालस्थित हिल्टन होलटमा बस्नेछन् […]
July 19, 2025
एजेन्सी – युगान्डाले टि ट्वान्टी आईमा युएईलाई हराएको छ । युगान्डामा जारी ६ टोली सम्मिलित टि ट्वान्टी आई सिरिजमा शनिबार भएको खेलमा घरेलु टोलीले युएईलाई ६ रनले हराएको हो । १ सय २७ रनको लक्ष्य पछ्याएको युएईले निर्धारित २० ओभरमा ८ विकेट गुमाएर १ सय २० रन मात्र बनाउन सक्यो । युएईका कप्तान मोहम्मद वासिम […]
July 18, 2025
एजेन्सी – न्युजिल्याण्डले जिम्बाब्वेमा जारी त्रिकोणात्मक टि ट्वान्टी आई सिरिजमा लगातार दोस्रो जित हात पारेको छ । जिम्बाब्वेको हरारेमा शुक्रवार न्युजिल्याण्डले घरेलु टोलीमाथि ८ विकेटको सहज जित हात पारेको हो । १ सय २१ रनको सहज लक्ष्य न्युजिल्याण्डले १३.५ ओभरमा २ विकेट गुमाएर पूरा गर्यो । न्युजिल्याण्डको जितमा ‘प्लेयर अफ द म्याच’ भएका डेभोन कन्वेले […]
