एजेन्सी – इङ्ग्ल्याण्डले भारतविरुद्धको पहिलो टेस्टमा जितका लागि विशाल लक्ष्य पाएको छ ।

इङ्ग्ल्याण्डले दोस्रो इनिङमा जितका लागि ३ सय ७१ रनको लक्ष्य पाएको छ।

दोस्रो इनिङमा ३ सय ६४ रनमा अलआउट भएको भारतले ३ सय ७० रनको अग्रता बनाएको हो । भारतले पहिलो इनिङमा ६ रनको अग्रता लिएको थियो ।

दोस्रो इनिङमा भारतका ओपनर केएल राहुल र उपकप्तान ऋषभ पन्तले शतक बनाएका थिए । राहुलले सर्वाधिक १ सय ३७ रन बनाए ।

पहिलाे इनिङमा समेत शतक बनाएका पन्तले १ सय १८ रन बनाए । पन्त दुवै इनिङमा शतक बनाउने दोस्रा विकेट किपर ब्याटर हुन् । यसअघि जिम्बाब्वेका एन्डी फ्लावरले यो सफलता प्राप्त गरेका थिए ।

भारतका दोस्रो इनिङमा साइ सुदर्शन ३०, करुण नायर २० तथा कप्तान शुभमन गिल २५ रन जोडे ।

घरेलु टोलीका लागि जोस टोङ्गो र बायडेन कार्सले समान ३, शोयब बसिरले २ तथा क्रिस वोक्स र बेन स्टोक्सले समान १ विकेट लिए ।

दोस्रो इनिङमा सुरु गरेको घरेलु टोलीले २१ रन जोड्दा चौथो दिन सोमवारको खेल समाप्त भएको थियो। इङ्ग्याण्ड अझै ३ सय ५० रनले पछाडि छ। त्यसअघि हेडिङ्लीमा घरेलु टोलीले टस जितेर फिल्डिङको निणर्य लिएको थियो।

पहिला ब्याटिङ गरेको भारतले कप्तान शुभमन गिल, उपकप्तान ऋषभ पन्त र ओपनर यशस्वी जैसवालको शतकमा ४ सय ७१ रन बनाएको थियो । इङ्ग्ल्याण्डले पहिलो इनिङमा ४ सय ६५ रन जोडेको थियो ।