एजेन्सी – बंगलादेशले घरेलु टोली श्रीलंकालाई दोस्रो ओडिआईमा १६ रनले हराएको छ ।

आर. प्रेमदासा क्रिकेट स्टेडियम कोलम्बोमा शनिवारको खेल बंगलादेशले जितेपछि ३ ओडिआई सिरिजमा १-१ को बराबरीमा भएको छ । पहिलो ओडिआई श्रीलंकाले रोमाञ्चक ढंगले जितेको थियो ।

२ सय ४९ रनको लक्ष्य पछ्याएको घरेलु टोली ४८.५ ओभरमा २ सय ३२ रन अलआउट भयो। श्रीलंकाका कुशल मेन्डिस र जानिथा लियान्गाले अर्धशतक बनाए पनि टोलीलाई जित दिलाउन सकेनन् । जानिथा ८५ बलमा ७ चौका र २ छक्काको साथमा ७८ रन बनाए ।

मेन्डिसले ३१ बलमा ९ चौका र १ छक्काको सहयोगमा ५६ रन जोडे । कमिन्डु मेन्डिस ३३, वानिन्दु हसरंगा र दुस्मथा चमिरा समान १३ तथा निशान मधुशंका १७ रनमा आउट भए ।

बंगलादेश तम्भिर इस्लामले ५ विकेट लिने क्रममा १० ओभरमा ३९ रन खर्चिए । तान्जिम हसन सकिबले २ तथा मुस्ताफिजुर रहमान, मेहेदी हसन र शमिम होसैनले समान १ विकेट लिए ।

त्यसअघि टस जितेर ब्याटिङ गरेको बंगलादेशले ४५.५ ओभरमा सबै विकेट गुमाएर २ सय ४८ रन जोड्यो । बंगलादेशका लागि प्रवेज हौसन र ताविड हृदयले अर्धशतक बनाए ।

ओपनर हौसनले ६९ बलमा ६ चौका र ३ छक्काको सहयोगमा सर्वाधिक ६७ रन जोडे । हृदय ६९ बलमा २ चौकाको सहयोगमा ५१ रन बनाए।

जाकिर अलि २४, शमिम हौसन २४ तथा नजमुल हुसैन शान्तो १४ रनका आउट हुँदा तान्जिम हसन ३३ रनमा अविजित रहे ।

श्रीलंकाका आसिथा फर्नान्डोले ४, वानिन्दु हसरंगाले ३ तथा दुस्मथा चमिरा र चरिथ असलंकाले समान १ विकेट लिए । तेस्रो तथा अन्तिम ओडिआई खेल मंगलवार हुनेछ ।